Iran US Clash : इराणवर हल्ला करण्याआधीच अमेरिकेला मोठा झटका, तीन विश्वासू मित्रच गेले विरोधात

US-Iran

इराण आणि अमेरिकेत युद्ध होणार की, शांतता करार?. सगळ्या जगात या प्रश्नावर चर्चा सुरु आहे. तेहरानला घेरण्यासाठी अमेरिकेने आपली सगळी ताकद लावली आहे. दुसरीकडे इराणला आपल्या अटींवर करार हवा आहे. इराणचा प्रयत्न करारापेक्षा युद्धा लढण्याचा आहे. जेणेकरुन भविष्यात मिडिल ईस्टमध्ये त्यांचं नाणं वाजेल. इराण मिडिल ईस्टमधला एकमात्र देश आहे, ज्याला अमेरिका आपला विरोधी मानते. इस्लामिक गणराज्यातील सरकार उलथवण्यासाठी अमेरिकेने अनेकदा प्रयत्न केलेत.

1 इराण विरुद्ध लढाई सुरु करण्याआधी अमेरिका एकटा पडलाय. इस्रायल सोडून कुठल्याही देशाने त्यांचं समर्थन केलेलं नाही. उलट तुर्की आणि सौदी अरेबिया सारख्या देशांनी जाहीरपणे अमेरिकेला विरोध केलाय. या देशांचं म्हणणं आहे की, युद्ध झाल्यास आम्ही आमचा बेस अमेरिकेला वापरु देणार नाही. इराणने युद्धाच्या स्थितीत या दोन्ही देशांवर हल्ला करण्याची धमकी दिली आहे.

2 युरोपियन देशांना सुद्धा युद्ध लढायचं नाहीय. ब्रिटनने आपल्या बेसचा वापर करु देण्यास नकार दिला आहे. ब्रिटनने स्पष्टपणे म्हटलय की, आता आम्ही युद्ध लढण्याच्या स्थितीमध्ये नाहीय. जर्मनी सुद्धा मिडिल ईस्टमधून मागे हटतोय. इराकमधून त्यांनी आपले सैनिक मागे घेण्याची घोषणा केली आहे.

3 इराणला वाटतं की, युद्धाच्या स्थितीत जो सौदा होईल, तो त्यांच्या फायद्याचा असेल. कारण अमेरिकेच्या अटी खूप आहेत. इराणचा प्रयत्न युद्ध लांब खेचण्याचा आहे. जेणेकरुन मिडिल ईस्टमध्ये अमेरिकेचं मनोबल तुटेल. इराणला माहितीय अमेरिका जास्त काळ युद्ध लढण्याच्या स्थितीमध्ये नाहीय.

4 इराणला असा कुठलाही संदेश द्यायचा नाही की त्यामुळे ते स्वदेशात कमजोर वाटतील. इस्लामिक राजवटीसाठी हे जास्त धोकादायक आहे. इराणमध्ये सरकार विरोधात आंतरिक विरोध मोठा आहे. या वर्षाच्या सुरुवातीला इराणमध्ये भयावह विरोध प्रदर्शन झालं होतं. या विरोध प्रदर्शनात जवळपास 3 हजार लोक मारले गेले.

5 इराणला अमेरिकेवर विश्नास नाहीय. कारण 2015 साली इराणने अमेरिकेसोबत करार केला. पण दोन वर्षात अमेरिकेने हा करार मोडला. त्यावेळी सुद्धा डोनाल्ड ट्रम्पच राष्ट्राध्यक्ष होते. इराणचे सुप्रीम लीडर अयातुल्ला अली खामेनेई यांनी यावरुन अनेकदा इराण सरकारला सर्तक केलय.