फक्त 6 मिनिटे अन् अमेरिकेचा खेळ खल्लास… इराणच्या खतरनाक मिसाईलमुळे ट्रम्प चिंतेत

Iran vs US Tension

Image Credit source: Google

गेल्या काही महिन्यांपासून इराण आणि अमेरिकेतील तणाव वाढला आहे. अमेरिकेने अनेकदा इराणवर हल्ल्याची धमकी दिली आहे. अशातच आता अणु चर्चेच्या समाप्तीनंतर ट्रम्प यांनी इराणी तेलावर नवीन निर्बंध लादले आहेत. याचाच अर्थ इराणने अमेरिकेसमोर झुकण्यास नकार दिला आहे. त्यामुळे ट्रम्प यांच्या धमकीनंतर इराण आपल्या शस्त्रांसह तयार उभा आहे. आता खामेनी यांचे धोकादायक क्षेपणास्त्र फताह-1 ची सध्या सगळीकडे चर्चा आहे. इराणचा दावा आहे की ते सहा मिनिटांत शत्रूचा नाश करू शकते. याबाबत सविस्तर माहिती जाणून घेऊयात.

अमेरिकेविरुद्ध इराणची तयारी

इराणचे फताह-1 हे क्षेपणास्त्र जगात सर्वाधिक चर्चेचा विषय आहे. फेब्रुवारी 2026 च्या अलीकडील अहवालांमध्ये आणि मध्य पूर्वेतील वाढत्या तणावाच्या काळात इराणने हे शक्तिशाली क्षेपणास्त्र अंडर ग्राऊंड मिलाईल सिटीज मध्ये तैनात केले आहे. हे केवळ एक शस्त्र नाही तर अमेरिका आणि इस्रायलला थेट आणि धोकादायक संदेश आहे. त्यामुळे या दोन्ही देशांची झोप उडाली आहे.

6 मिनिटांचा ‘डेथ वॉरंट’

इराणचा दावा आहे की त्यांचे क्षेपणास्त्र प्रक्षेपणानंतर फक्त 6 ते 7 मिनिटांत इस्रायलच्या कोणत्याही कोपऱ्याला नष्ट करू शकते. इस्रायल आणि इराणमधील अंतर 2000 किमी आहे. या टप्प्यातील टार्गेट हे क्षेपणास्त्र क्षणात नष्ट करू शकते. याचा अर्थ हे मिसाईल मध्य पूर्वेतील जवळजवळ सर्व ठिकाणी हल्ला करू शकते. अमेरिकेने जिथे लष्करी तळ स्थापन केले आहेत ती ठिकाणे इराण क्षणात नष्ट करू शकते. ऑक्टोबर 2024 मध्ये इस्रायलवरही हे क्षेपणास्त्र डागण्यात आले होते.

इराणचा गंभीर इशारा

इराणने अमेरिकेला इशारा दिला आहे की जर अमेरिकेने हल्ला केला तर आखाती देशांमध्ये (कुवैत, कतार आणि युएई) असलेले अमेरिकन लष्करी तळ आमच्या निशाण्यावर असतील. कतारचा अल-उदेद हवाई तळ हा सर्वात मोठा अमेरिकन तळ या क्षेपणास्त्राच्या रेंजमध्ये आहे. त्यामुळे डोनाल्ड ट्रम्प यांची चिंता वाढली आहे. आता इराणच्या या इशाऱ्यानंतर अमेरिका याबाबत काय भूमिका घेते हे पाहणे महत्त्वाचे ठरणार आहे.