Explainer: इंटरनेटच्या जीवनवाहिनीवर वाकडी नजर! होर्मुझनंतर केबल्सवर इराणचं लक्ष, जगावर असा होणार परिणाम; जाणून घ्या
अमेरिका-इस्राईल आणि इराण यांच्यातील युद्धाची धग अजून पेटती आहे. त्यामुळे जगभरात हाहाकार माजला आहे. या युद्धस्थितीमुळे महागाईचा आगडोंब उसळला आहे. असं असताना होर्मुझच्या सामुद्रधुनीतून जाणाऱ्या समुद्राखालील इंटरनेट केबल्सवर इराणने शुल्क आकारण्याची घोषणा केली आहे. त्यामुळे जगभरात चिंतेचं वातावरण आहे.
21व्या शतकात जगानं बरीच प्रगतीचं शिखरं गाठली आहेत. आता एका क्लिकवर सर्व काही उपलब्ध होताना दिसतं. त्यामुळे जग आता पूर्वीपेक्षा अधिक प्रमाणात इंटरनेटचा वापर करत आहे. बँकिंग असो की व्हिडीओ स्ट्रीमिंग सर्व काही इंटरनेटवर चालतं. खरं तर इंटरनेट आता रोजच्या जीवनाचा अविभाज्य भाग बनला आहे. त्यामुळे एक दिवस काय तर काही मिनिटं जरी इंटरनेट नसेल तर खूप काही चुकल्यासारखं वाटतं. इतकं त्या इंटरनेटचं महत्त्व आहे. इंटरनेट हा स्मार्टफोन, लॅपटॉप आणि त्याच्याशी निगडीत इतर गोष्टींचा आत्मा आहे. पण तुम्हाला माहिती आहे की, जगभरातील डिजिटल प्रणाली हजारो किलोमीटरच्या समुद्राखालील केबल्सवर अवलंबून आहे. इंटरनेट कनेक्शन, वेग आणि डेटा ट्रान्सफरचे खरे जाळे समुद्राखाली हजारो मीटर खोलवर आहे. हे जाळे संपूर्ण जगाला जोडते. जगभरात खंडांना जोडणाऱ्या 500 हून अधिक समुद्राखालील केबल्स आहेत. या केबल्समुळे ईमेल, व्हिडिओ कॉल्स, सोशल मीडिया, ऑनलाइन बँकिंग, शेअर बाजार आणि संवादाचे इतर प्रकार शक्य होतात. त्यामुळे त्या केबल्सला काही झालं तर सर्व काही ठप्प पडेल. असं असताना या केबल्स संदर्भात इराणने...
