PM Modi चा पहिलाच न्यूझीलंड दौरा ठरला गेमचेंजर, 40 वर्षानंतर भारताचे पंतप्रधान तिथे गेले, याआधी जे जमलं नाही ते शक्य केलं
PM Modi New Zealand Visit : पंतप्रधान नरेंद्र मोदी सध्या तीन देशांच्या दौऱ्यावर आहेत. याची सुरुवात इंडोनेशियापासून झाली. त्यानंतर ऑस्ट्रेलिया आणि आता मोदी न्यूझीलंडमध्ये आहेत. या न्यूझीलंड दौऱ्यात मोदींनी काही महत्वाच्या गोष्टी साध्य केल्या आहेत.
पंतप्रधान नरेंद्र मोदी न्यूझीलंड दौऱ्यावर आहेत. तब्बल 40 वर्षानंतर भारताचा कुठला पंतप्रधान न्यूझीलंड दौऱ्यावर गेला आहे. त्यामुळे हा दौरा ऐतिहासिक आहे. ऑकलंडमध्ये पंतप्रधान नरेंद्र मोदी न्यूझीलंडच्या पंतप्रधानांना भेटले. दोन्ही देशांमध्ये 18 करार झाले. यात 10 MOU आणि 8 मोठ्या घोषणा आहेत. या निर्णयांमुळे आता भारत आणि न्यूझीलंडच्या संबंधांना स्टॅटजिक पार्ट्नरशिपचा दर्जा मिळाला आहे. संरक्षण, समुद्री सुरक्षा, व्यापार, कृषी, शिक्षण, खेळ आणि संस्कृती या क्षेत्रात आता दोन्ही देश मिळून काम करतील. इंडो-पॅसिफिक क्षेत्रात चीनच्या वाढत्या प्रभावाला काउंटरबॅलन्स म्हणून याकडे पाहिलं जात आहे. मोदींचा हा न्यूझीलंड दौरा गेमचेंजर ठरला आहे. स्टॅटजिक पार्ट्नरशिपचा दर्जा ही मोठी बाब आहे. याआधी जे घडलं नव्हतं ते शक्य झालं आहे.
सर्वात महत्वाचा करार संरक्षण आणि समुद्री सुरक्षेसंदर्भात झाला. भारत आणि न्यूझीलंडचं सैन्य आता समुद्री सुरक्षेसंदर्भात माहितीचं आदान-प्रदान करतील. संयुक्त युद्ध अभ्यास करतील. समुद्राशी संबंधित नकाशे आणि हायड्रोगाफीचा डेटा शेअर करण्यावर दोन्ही देशांमध्ये एकमत झालं आहे. समुद्र मार्गाची सुरक्षा अजून चांगली होईल. अजून एक करार झालाय. त्यामध्ये दोन्ही देशांची नौदलं गरज पडल्यास एकमेकांना लॉजिस्टिक सपोर्ट देतील.
स्ट्रॅटजिक पार्टनरशिपचा दर्जा मिळणं हे यश
भारत आणि न्यूझीलंडने मिळून दहशतवादाविरुद्ध एक संयुक्त कार्य समूह बनवण्याचा निर्णय घेतला आहे. दोन्ही देश दहशतवादाशी संबंधित माहिती परस्परांना शेअर करतील. मिळून रणनिती आखतील. आपत्ती व्यवस्थापन क्षेत्रातही दोन्ही देशांनी करार केलाय. भूकंप, सुनामी आणि दुसऱ्या नैसर्गिक संकटांचा सामना करण्यासाठी अनुभव आणि टेक्नोलॉजी शेअर केली जाईल. मोदींच्या दौऱ्याचं यश म्हणजे दोन्ही देशांच्या संबंधांना स्ट्रॅटजिक पार्टनरशिपचा दर्जा मिळणं. भारत आणि न्यूझीलंड आता संरक्षण, व्यापार, कृषी, शिक्षण, संस्कृती आणि इंडो-पॅसिफिक सारख्या क्षेत्रात आता मिळून दीर्घकाळ काम करतील.
भारतीयांना न्यूझीलंड माहितीय तो क्रिकेटसाठी
दोन्ही देशांनी 2030 पर्यंत व्यापार 7 अब्ज डॉलरपर्यंत पोहोचवण्याचं उद्दिष्टय ठेवलं आहे. भारत आणि न्यूझीलंडमध्ये मुक्त व्यापार करार FTA झाला आहे. यामुळे दोन्ही देशांच्या उत्पादनांना अनेक करांमधून सवलत मिळेल. त्याचा फायदा व्यापार वाढीत होईल. भारताला न्यूझीलंड देश माहित आहे तो क्रिकेटसाठी. भारतीयांना न्यूझीलंड क्रिकेटमधील अनेक दर्जेदार खेळाडू माहित आहेत. पर्यटनासाठी सुद्धा भारतीय मोठ्या प्रमाणात न्यूझीलंडला जातात.
