PM Modi : स्लोवाकिया सारख्या छोट्या देशाचा दौरा करुन मोदींनी भारतासाठी बरचं काही साधलं, इथे जाणारे मोदी भारताचे पहिले पंतप्रधान
PM Narendra Modi : स्लोवाकिया हा युरोप मधला एक छोटासा देश आहे. या देशाचा दौरा करणारे नरेंद्र मोदी हे भारताचे पहिले पंतप्रधान ठरले आहेत. स्लोवाकिया हा युरोपमधला देश आहे. यातून भविष्यात भारताला बरच काही मिळणार आहे.
पंतप्रधान नरेंद्र मोदी 14 आणि 15 जून असे दोन दिवस स्लोवाकिया दौऱ्यावर होते. स्लोवाकिया हा युरोप मधला एक छोटासा देश आहे. पंतप्रधान नरेंद्र मोदी हे स्लोवाकिया दौऱ्यावर जाणारे भारताचे पहिले पंतप्रधान ठरले आहेत. इतक्या छोट्या देशाचा दौरा मोदींना का केला? त्यातून काय मिळणार? तो आता समोर आलय. स्लोवाकिया दौऱ्यातून मोदींनी दोन्ही देशांचे संबंध अजून बळकट केले. या दौऱ्यात एकूण 11 करारांवर स्वाक्षऱ्या झाल्या. तीन महत्वाच्या घोषणा झाल्या. दोन्ही देशांमधील संबंध सर्वसमावेशक भागीदारी पर्यंत वाढवण्याचा निर्णय झाला. मोदींच्या या दौऱ्यामुळे दोन्ही देशांमधील व्यापार संबंधांना नव्याने चालना मिळणार आहे.
एका जॉइंट प्रेस स्टेटमेंटमध्ये पीएम मोदी यांनी उत्साहाने स्वागत केल्याबद्दल फिको यांचे आभार मानले. ते भारताचे जवळचे मित्र असल्याचं मोदी म्हणाले. “फिको एक अनुभवी नेते असून ते भारताचे खरे मित्र आहेत. त्यांची मैत्री आणि कटिबद्धतेने भारत-स्लोवाकिया संबंधांना एक नव्या उंचीवर नेण्यात महत्वाची भूमिका बजावली आहे. मी त्यांना भेटलो, या ऐतिहासिक क्षणाचा साक्षीदार होता आलं, या बद्दल मी खूप आनंदी आहे” असं मोदी म्हणाले.
मुख्य करार
भारत आणि स्लोवाकियामध्ये श्रमिक लेबर मायग्रेशन वाढवण्यासाठी करार झाला आहे.
संरक्षण क्षेत्रात सहकार्य वाढवण्यासाठी लेटर ऑफ इंटेंटवर (LoI) स्वाक्षरी केली आहे.
डिजिटल टेक्नोलॉजी क्षेत्रात भागीदारी मजबूत करण्यावर सहमती झाली.
उच्च शिक्षा आणि संशोधनात सहकार्य वाढवण्यासाठी MOU वर स्वाक्षरी झाली.
फिल्म, टीव्ही आणि अन्य रचनात्मक क्षेत्रात सहकार्यासाठी ऑडियो-विजुअल क्रिएशनवर करार झाला.
क्वांटम कम्युनिकेशन आणि क्रिटिकल इंफ्रास्ट्रक्चर प्रोटेक्शन क्षेत्रात सहकार्य वाढवण्यावर एकमत झालं.
आयुष मंत्रालयाच्या नॅशनल इंस्टीट्यूट ऑफ नेचुरोपॅथी, पुणे आणि स्लोवाकिया हेल्थ स्पा पिएस्तानी मध्ये करार झाला.
आयआयटी दिल्ली आणि स्लोवाक टेक्निकल यूनिवर्सिटी मध्ये छात्र विनिमय,स्कॉलरशिप आणि संयुक्त संशोधन कार्यक्रमावर करार झाला.
दोन्ही देशातील टूर ऑपरेटर संघटनेत पर्यटन सहकार्य वाढवण्यावर सहमती झाली.
इंडियन नॅशनल सायन्स एकेडमी (INSA) आणि स्लोवाक एकेडमी ऑफ सायसेज (SAS) मध्ये वैज्ञानिक सहकार्याचा करार झाला.
तीन मोठ्या घोषणा
भारत आणि स्लोवाकियाने आपले संबंध सर्वसमावेशक भागीदारीच्या स्तरापर्यंत वाढवण्याचा निर्णय घेतला आहे.
दहशतवादाचा सामना करताना सहकार्य वाढवण्यासाठी संयुक्त कार्य समूह स्थापन केला जाईल.
नागरिक सेवा आणि वीजा-संबंधी विषयात सहकार्यासाठी कॉन्सुलर डायलॉग सुरु करण्याचा निर्णय झाला.
