मालदीवच्या राष्ट्राध्यक्षांनी आपल्याच मंत्र्यांला केली अटक, जादूटोणा केल्याचा आरोप

मालदीवचे अध्यक्ष मोहम्मद मुइज्जू भारतासोबतच्या खराब संबंधामुळे गेल्या काही दिवसांपासून चर्चेत आहेत. राष्ट्राध्यक्ष झाल्यापासून त्यांनी भारतविरोधी धोरण अवलंबले आहे. मालदीवचे अध्यक्ष मुइज्जू यांच्यावर चीन समर्थक असल्याचा आरोप होतो. राष्ट्राध्यक्ष झाल्यानंतर मुइज्जू यांनी भारतीय सैनिकांना आपल्या देशातून काढून टाकण्याचा निर्णय घेतला होता. त्यानंतर भारतासोबत मालदीवचे संबंध तणावपूर्ण राहिले.  भारत आणि मालदीवमध्ये संबंध बिघडले आहेत. भारतीयांनी मालदीववर बहिष्कार टाकल्याने त्यांच्या अर्थव्यवस्थेला मोठा झटका बसला.

आता मालदीवचे राष्ट्राध्यक्ष आणखी एका कारणाने चर्चेत आहेत. त्याच्यावर जादूटोणा करण्यात आल्याचे त्यांनी सांगितले आहे, मुइज्जूवर हे कृत्य केल्याप्रकरणी त्यांच्याच एका मंत्र्याला अटक ही करण्यात आली आहे.

अधाधूच्या वृत्तानुसार, मालदीवमधील पर्यावरण मंत्रालयाच्या एका राज्यमंत्र्याला राष्ट्राध्यक्ष मोहम्मद मुइज्जू यांच्याशी जवळीक साधल्याच्या आणि जादूटोणा केल्याच्या आरोपाखाली अटक करण्यात आली आहे. एका सरकारी अधिकाऱ्याने अधाधूला सांगितले की, फातिमथ शमनाज अली सलीमला अटक करण्यात आली असून त्याला सात दिवसांची कोठडी सुनावण्यात आली आहे.

न्यूज पोर्टलनुसार, हुलहुमाले मॅजिस्ट्रेट कोर्टाने त्याच्या नजरकैदेत वाढ केली होती. शमनाज या राष्ट्रपती कार्यालयाचे मंत्री ॲडम रमीझ यांच्या पहिल्या पत्नी आहेत. शमनाजला अटक करण्यापूर्वी त्याच्या घराची झडती घेण्यात आली आणि काही वस्तू जप्त करण्यात आल्या. शमनाजला तीन मुले आहेत, त्यापैकी एकाचे वय एक वर्षांपेक्षा कमी आहे.

शमजानच्या पहिल्या पतीलाही निलंबित केले

शमनाजने यापूर्वी राष्ट्रपती भवन मुळीगेमध्ये काम केले होते. मात्र, नुकतीच त्यांची पर्यावरण मंत्रालयात बदली झाली. वृत्तानुसार, राष्ट्राध्यक्ष मुइज्जूच्या जवळ जाण्यासाठी जादूटोण्याचा सराव केल्याच्या आरोपाखाली शमनाझला अटक करण्यात आली होती, तर तिच्या माजी पतीलाही निलंबित करण्यात आले आहे. ॲडम रमीझ याआधी राष्ट्राध्यक्ष मुइझ्झू यांच्या जवळचे होते. ते अनेक महिन्यांपासून मुइज्जूसोबत दिसले नाही.