या गावातील महिला आयुष्यात फक्त एकदाच अंघोळ करतात, कारण ऐकून तुम्हालाही बसेल धक्का

जगामध्ये अशा अनेक प्रथा परंपरा आहेत, ज्याच्या विशेष वैशिष्ट्यांमुळे त्या कायम चर्चेत असतात. एवढंच नाही तर या प्रथा परंपरांचं पालन ज्या समाजात केलं जातं, तो समाज देखील अशा प्रथांमुळे चर्चेत येतो. अशा अनेक प्रथा, परंपरा असतात, ज्या मागे काही तरी विशिष्ट कारण असतं, परंतु अशाही काही प्रथा परंपरा पहायला मिळतात, ज्या मागे काही ठोस कारण नसतं, मात्र तरी देखील विशिष्ट संप्रदाय त्या प्रथा परंपरेचं वर्षानुवर्ष पालन करत असतो.

आफ्रिकेमध्ये देखील असा एक समाज आहे, ज्या समाजामध्ये एका विचित्र प्रथेचं पालन केलं जातं. या समाजातील महिलांना सर्वात सुंदर मानलं जातं. परंतु या समाजातील महिला आपल्या संपूर्ण आयुष्यात फक्त एकदाच आंघोळ करतात. हे ऐकून तुम्हाला धक्का बसेल, परंतु हे खरं आहे, या समाजातील महिला आपल्या आयुष्यात फक्त एकदाच अंघोळ करतात. त्यानंतर त्या आपल्या आयुष्यात पुन्हा कधीही अंघोळ करत नाहीत. ते म्हणजे या महिला फक्त आपल्या लग्नाच्या दिवशीच अंघोळ करतात.

आफ्रिकेमध्ये आदिवासी समाजाच्या अनेक जातींचं लाखो वर्षांपासून वास्तव्य आहे. प्रत्येक समाजामध्ये वेगवेगळ्या प्रथा परंपरा पाळल्या जातात, यातीलच एक जात आहे, ती म्हणजे हिंबा जात. या समाजातील महिला आपल्या आयुष्यात फक्त एकदाच लग्नाच्या दिवशी अंघोळ करतात. तसेच त्या इतरवेळी आपलं शरीर स्वच्छ ठेवण्यासाठी विशिष्ट वनस्पतीचा लेप लावतात. या जातीमध्ये महिलांना खूप स्वातंत्र्य असतं. लग्न झाल्यानंतर देखील या महिला इतर पुरुषांसोबत शारीरीक संबंध ठेवू शकतात.

दक्षिण आफ्रिकेच्या मोजक्या गावांमध्ये आणि दुर्गम प्रदेशात या लोकांचं वास्तव्य आहे. विशेष म्हणजे या समाजाची लोकसंख्या अवघी काही हजारांमध्येच या जगात आता शिल्लक आहे. या समाजातील मुलीचं किंवा मुलाचं कधीही समाजाबाहेर लग्न होत नाही. समाजाबाहेर लग्न केल्यास संबंधित व्यक्तीवर बहिष्कार घातला जातो. त्यांचे सण समारंभ साजरा करण्याचे नियम देखील खूपच वेगळे आहेत. आफ्रिकेमध्ये पाण्याची कमतरता असते, त्यामुळे ही प्रथा त्या काळात तिथे सुरू झाली असावी, असा अंदाज आहे.