भारतासाठी इराणमधून आनंदाची बातमी, थेट मोठे गिफ्ट मिळण्याचे संकेत, भारताचे 20..

मध्य पूर्वेत स्थिती वाईट आहे. इराणकडून या युद्धात होर्मुज खाडी बंद करण्यात आली. अमेरिकेने अनेक प्रयत्न ही खाडी खुली करण्याकरिता केले. हेच नाही तर त्यांनी काही देशांचे नाव घेत थेटपणे मदतही मागितली. पण एकही देश त्यांच्या मदतीला पुढे आला नाही. शेवटी होर्मुज खाडीत आपल्याच दबाव कायम ठेवण्यात इराणला यश मिळाले. इराणच्या तटबंदी नष्ट करण्याकरिता होर्मुजमध्ये अमेरिकी सैन्य उतरणार असल्याचे सांगितले जात होते, तशी तयारीही अमेरिकेने सुरू होती. पण त्यांना अपयश मिळाले. होर्मुज खाडीत काहीही केले तर आम्ही सर्व खाडीच बंद करू असा इशारा इराणकडून देण्यात आल्यानंतर अमेरिकेने मोठी घोषणा करत थेट 5 दिवसांकरिता युद्ध थांबवत असल्याचे जाहीर केले. या युद्धात अमेरिका एकटी पडली आहे. अमेरिकेने इराणच्या ऊर्जा प्रकल्पांवर हल्ला करण्याची धमकी दिली. त्यांच्या या धमकीनंतर थेट इराणकडून अमेरिकेसोबत संबंध असलेल्या सर्व प्रदेशातील ऊर्जा प्रकल्पांवर हल्ला करण्याची धमकी दिली.

28 फेब्रुवारी 2026 रोजी इस्त्रायल आणि अमेरिकेने संयुक्त कारवाई करत इराणवर मोठा हल्ला केला. तेव्हापासून युद्धाला सुरूवात झाली. होर्मुज खाडी यादरम्यान इराणकडून बंद करण्यात आली. सध्याच्या घडीला भारताचे 20 तेलवाहू जहाज होर्मुज खाडीत अडकली आहेत. 25 दिवसानंतर आता भारताला आनंदाची बातमी मिळत आहे. इराणकडून होर्मुज खाडी खुली करण्याचे संकेत देण्यात आले. मात्र, त्यांनी एक मोठी अट ठेवली.

इराणने इतर देशांचे जहाज सोडण्याचे संकेत दिले असले तरीही त्यांनी अट ठेवत स्पष्ट केले की, अमेरिका आणि इस्त्रायल यांचे जहाज आम्ही सोडणार नाही. आमच्या स्वत: च्या संरक्षणासाठी आम्ही हा निर्णय घेत आहोत. म्हणजे भारताचे अडकलेले 20 जहाज भारताच्या दिशेने येऊ शकतात. भारतात एलपीजी गॅसचा पुरवठा होर्मुज खाडीतूनच होतो. ही खाडी बंद असल्याने भारतात एलपीजी गॅसचा मोठा तुटवडा बघायला मिळाला.

अनेक हॉटेल यादरम्यान बंद झाली. होर्मुज खाडीतून जाताना जहाजांना इराणच्या अधिकाऱ्यांसोबत संपर्क करूनच जावे लागणार आहे. सुरक्षेच्या कारणास्तव जहाजांना इराणच्या अधिकाऱ्यासोबत चर्चा करावी लागेल. सुरक्षित मार्ग नक्की कोण हे इराणचे अधिकारी जहाजांना सांगतील. इराणच्या या निर्णयाने कच्चे तेल आणि गॅसची समस्या दूर होऊ शकते. यासोबतच जागतिक बाजारात तेलाच्या वाढलेल्या किमतीही कमी होऊ शकतात.