जग हादरलं! अमेरिकेचा या देशात हल्ला, डोनाल्ड ट्रम्प यांच्या कारवाईने खळबळ

अमेरिका गेल्या काही काळापासून दहशतवादाचा नायनाट करण्याचा प्रयत्न करत आहे, अशातच आता अमेरिकेने सीरियामध्ये इस्लामिक स्टेट (ISIS) विरोधातील कारवाई आणखी तीव्र केल्याची माहिती समोर आली आहे. यूएस सेंट्रल कमांड (CENTCOM) ने “ऑपरेशन हॉकआय स्ट्राइक” अंतर्गत सुरू असलेल्या ऑपरेशनची नवीन माहिती जारी केली आहे. अमेरिकेने सीरियातील 30 पेक्षा जास्त ठिकाणांवर हल्ला केला आहे. यात शस्त्रास्त्रांचे डेपो आणि इतर सुविधांना लक्ष्य करण्यात आले आहे. याबाबत सविस्तर माहिती जाणून घेऊयात.

इस्लामिक स्टेटने डिसेंबरमध्ये अमेरिकेच्या सैन्यावर हल्ला केला होता. यात दोन अमेरिकन सैनिक आणि एका अमेरिकन नागरिकाचा अनुवादक मारला गेला होता. पालमिरा येथे झालेल्या या हल्ल्यातील हल्लेखोर सीरियन सुरक्षा दलांमध्ये अलिकडेच भरती झालेला होता. मात्र त्याचा अतिरेकी संघटनांशी संबंध असल्याचा संशय होता. या हल्ल्यानंतर तो जागीच मारला गेला. हल्ल्याचा बदला घेण्याची घोषणा अमेरिकेने केली होती. त्याअंतर्गत आता ही कारवाई करण्यात आली आहे. आतापर्यंत या हल्ल्यात 50 पेक्षा जास्त लोकांना पकडले किंवा ठार करण्यात अमेरिकेला यश मिळाले आहे.

पालमिरा हल्ल्यानंतर ऑपरेशनला सुरूवात

पालमिरा हल्ल्यानंतर अमेरिकेने खास ऑपरेशनला सुरूवात केली आहे. या हल्ल्यासाठी जबाबदार असलेल्यांना पकडण्यासाठी आणि ISIS ला पुन्हा उदयास येण्यापासून रोखण्यासाठी ही कारवाई सुरू करण्यात आल्याचे अमेरिकन अधिकाऱ्यांनी सांगितले आहे. आतापर्यंत अनेक ठिकाणी हल्ले करण्यात आले असून या कारवाईत अमेकांचा मृत्यू झालेला आहे.

कोणत्या विमानांचा वापर?

अमेरिकेने सीरियात केलेल्या कारवाईत एफ-15ई स्ट्राइक ईगल, ए-10 वॉर्थॉग, एसी-130जे घोस्ट्राइडर आणि एमक्यू-9 रीपर ड्रोन यासारख्या विमानांचा समावेश होता. जॉर्डनच्या एफ-16 विमानांनीही मदत केल्याची माहिती समोर आली आहे. अमेरिकन अधिकाऱ्यांच्या मते, ऑपरेशन सुरू झाल्यापासून आतापर्यंत आयसिसच्या संबंधित 50 लोकांचा खात्मा करण्यात यश आले आहे. आयसीसचे कंबरडे मोडण्यासाठी अमेरिकेकडून ही कारवाई करण्यात येत आहे. आता आगामी काळातही ही कारवाई सुरु राहणार असल्याची माहिती समोर आले आहे. आता आयसिसकडून अमेरिकेच्या या हल्ल्यांना प्रत्युत्तर मिळते का हे पाहणे महत्त्वाचे ठरणार आहे.