इराणसोबतच्या युद्धात डोनाल्ड ट्रम्प यांची अत्यंत मोठी घोषणा, आनंदाची बातमी, युद्ध जवळपास..

अमेरिकेने केलेल्या नाकेबंदीनंतर होर्मुज खाडीत मोठ्या घडामोडी घडताना दिसत आहेत. रिपोर्टनुसार, नाकेबंदीनंतर इराणच्या एकाही बंदराहून जहाज निघाले नाही. हेच नाही तर अमेरिकेने दिलेल्या इशाऱ्यानंतर इराणचे सहा जहाज आलेल्या मार्गाने परत गेले. यासोबतच अमेरिकेकडून मोठा दावा करण्यात आला. गेल्या 24 तासात होर्मुज खाडीतून 20 पेक्षा अधिक जहाज गेले. हा एक मोठा विजय नक्कीच म्हणावा लागेल. गेल्या काही दिवसांपासून होर्मुज खाडी बंद बघायला मिळाली. अमेरिका इराण युद्धादरम्यान होर्मुज खाडीतून जाणाऱ्या जहाजाची ही संख्या जास्त म्हणावी लागेल. कोणत्याही अडथळ्याशिवाय होर्मुज खाडीतून तब्बल 20 जहाज गेले. हेच नाही तर एका मुलाखतीमध्ये बोलताना डोनाल्ड ट्रम्प यांनी म्हटले की, युद्ध संपण्याच्या अत्यंत जवळ आहे. युद्ध जवळपास संपलेच आहे.

विशेष म्हणजे कोणत्याही बॉम्ब धमक्याशिवाय किंवा एकही गोळी न चलता होर्मुज खाडीतून जगातील जहाज निघताना दिसत आहेत. कोणत्याही सैन्य कारवाईशिवाय. तज्ज्ञांच्या मते या युद्धात पहिल्यांदाच अमेरिकेची रणनीती काम करत आहे. कारण होर्मुज खाडीही खुली झाली असून अमेरिकेच्या नाकेबंदीनंतर होर्मुज खाडी जहाजांना पार करता येत आहे. इराणला जहाज होर्मुज खाडीतून सोडण्याकरिता कोणत्याही धमकीशिवाय अमेरिकेने मजबूर केले.

हेच नाही तर अमेरिकेच्या इशाऱ्यानंतर इराणच्या बंदरातून जहाज बाहेर पडू शकत नाहीत, ज्यामुळे मोठी कोंडी इराणची झाली. कोणत्याही परिस्थितीमध्ये युद्ध थांबवल्याशिवाय इराणकडे पर्याय उरला नाही. हेच नाही तर अमेरिकेच्या नाकेबंदीमुळे आयात आणि निर्यात इराणची ठप्प झाली. याचा थेटपणे त्यांच्या अर्थव्यवस्थेवर परिणाम होऊ शकतो. दुसरी युद्धबंदी करार बैठक होण्याचे संकेत आहेत.

अमेरिकेच्या काही अटी इराणकडून मान्य करण्यात आल्या. युद्धबंदी व्हावी आणि इराणकडून आपल्या मागण्या मान्य केल्या जाव्यात, याकरिता मोठी नाकेबंदी अमेरिकेने इराणची केली. युद्धबंदीच्या चर्चेदरम्यानच डोनाल्ड ट्रम्प आणि पंतप्रधान नरेंद्र मोदी यांच्यात फोनवरून चर्चा झाली. काही मिनिटे ही चर्चा झाल्याची माहिती मिळत आहे. या युद्धाचा मोठा फटका भारतालाही बसताना दिसला. युद्धबंदी व्हावी, याकरिता भारताकडूनही प्रयत्न केली जात आहेत.