होर्मुज ट्रम्प सामुद्रधुनी… इराणच्या होर्मुज खाडीला डोनाल्ड ट्रम्प यांचे नाव? थेट विधान, मोठी खळबळ, इराण..

अमेरिकेचे राष्ट्राध्यक्ष डोनाल्ड ट्रम्प पुन्हा एकदा चर्चेत आलेत. डोनाल्ड ट्रम्प यांनी केलेल्या विधानानंतर जगात खळबळ उडाली. डोनाल्ड ट्रम्प यांनी मियामी येथील फेना फोरममध्ये आपल्या समर्थकांना संबोधित करताना काही असे दावे केले, त्यानंतर सर्वांच्या भुवया उंचावल्या. इराण युद्ध आणि जागतिक भू-राजकारणावर यावर त्यांनी मोठे विधाने केले. डोनाल्ड ट्रम्प यांनी पुन्हा एकदा स्वत: ला शांततावादी म्हणून घेतले आहे. डोनाल्ड ट्रम्प यांनी म्हटले की, त्यांना जर शांतता नोबेल पुरस्कार मिळाला नाही तर तो कोणालाही मिळू शकत नाही. इराणसोबतच्या युद्धाबाबत बोलताना त्यांनी म्हटले की, ऑपरेशन एपिक फ्यूरीच्या माध्यमातून आम्ही इराणच्या सैन्याला उद्धवस्थ केले. इराणची पूर्ण सैन्य ताकद धस्त झाली. आता इराण युद्धबंदीच्या कराराकरिता आमच्याकडे भीक मागत आहे.

हेच नाही तर डोनाल्ड ट्रम्प यांनी थेट होर्मुजच्या सामुद्रधुनीचा उल्लेख करत ट्रम्प सामुद्रधुनी असेही म्हटले. डोनाल्ड ट्रम्प यांनी होर्मुज खाडीला स्वत: चे नाव दिल्याने खळबळ उडाली. त्यांनी पुढे म्हटले की, माझ्यामुळे अमेरिकेला कट्टरपंथी शासनामुळे होणारा धोका आता कमी झाला. तिथे सर्वकाही आपण संपवले आहे. आपल्याकडे जगातील सर्वात शक्तीशाली सैन्य आहे.

यादरम्यान डोनाल्ड ट्रम्प यांनी इराणचे कमांडर कासिम सुलेमानी यांना मारल्याचा उल्लेखही केला. यावेळी ब्रिटनचा मजाक उडवतानाही डोनाल्ड ट्रम्प दिसले. त्यांनी थेटपणे खिल्ली उडवत म्हटले की, मी यूकेच्या प्रधानमंत्र्यांना फोन केला होता. मी त्यांना म्हटले की, आम्हाला दोन एअरक्राफ्ट हवे आहेत. त्यांनी सांगितले की, ते खूप छोटे आहेत, ते खूप चांगलेही नाहीत, ते फास्ट उडत पण नाहीत.

मी त्यांना म्हटले की, तुम्ही आमची मदत करणार आहात का? त्यावर त्यांनी म्हटले की, हो नक्कीच… युद्ध संपल्यानंतर आम्ही तुमची मदत करू. ते नाटो आहे.. आपण नाटोची मदत केली पण ते मदत करत नाहीत. जर उद्या कधी मोठे युद्ध सुरू झाले तरीही ते आपल्यासोबत नसणार आहेत. नाटोवर आपण नाराज असल्याचे सांगताना डोनाल्ड ट्रम्प दिसले.