अब्जावधींचे सुरक्षा कवच अपयशी, व्हेनिस कायमचे नकाशावरून गायब होणार! अख्खं शहर कुठं जाणार?
जगभरात व्हेनिस हे शहर प्रचंड चर्चेत आहे. हे संपूर्ण शहर कालव्यांसाठी प्रसिद्ध आहे. या शहरातचे नैसर्गिक सौंदर्य सर्वांचे लक्ष वेधून घेते. पण आता या देशासमोर मोठे संकट उभे राहिले आहे. या देशातील पाण्याची पातळी वाढली आहे. वाढत्या समुद्र पातळीमुळे व्हेनिस शहर नष्ट होण्याचा धोका निर्माण झाला आहे. एका नवीन वैज्ञानिक अहवालाने जगाला धक्का दिला आहे.
व्हेनिस आपल्या नैसर्गिक सौंदर्यासाठी आणि कालव्यांसाठी जगभरात प्रसिद्ध आहे. इटलीचे हे ऐतिहासिक शहर आता एका मोठ्या संकटाचा सामना करत आहे. समुद्राची वाढती जलपातळी व्हेनिसचे अस्तित्व संपवण्यावर तुटून पडली आहे. एका नवीन वैज्ञानिक अहवालाने संपूर्ण जगाला चकित केले आहे. या विश्लेषणानुसार, व्हेनिसला वाचवण्यासाठी बनवलेली सध्याची यंत्रणा आता अपुरी ठरत आहे. हे फ्लड बॅरियर्स शहराला केवळ एका मर्यादित काळापर्यंतच सुरक्षित ठेवू शकतील. जर परिस्थिती सुधारली नाही, तर व्हेनिसला पूर्णपणे दुसऱ्या सुरक्षित ठिकाणी हलवावे लागू शकते. ही बातमी त्या लाखो लोकांसाठी चिंताजनक आहे जे या शहराच्या वारशावर प्रेम करतात. युनिव्हर्सिटी ऑफ सलेंटोचे प्रोफेसर पिएरो लिओनेलो यांच्या टीमने यावर संशोधन केले आहे. त्यांनी पुढील २०० वर्षांच्या समुद्री जलपातळीच्या डेटाचे विश्लेषण केले आहे. संशोधन सांगते की, ज्या वेगाने पाणी वाढत आहे, त्यावरून सध्याची संरक्षण यंत्रणा निकामी ठरेल. व्हेनिसच्या संरक्षणासाठी सध्या हलवता येणारे अडथळे (मूव्हेबल बॅरियर्स) लावण्यात आले आहेत. हे बॅरियर्स समुद्री लॅगूनच्या तीन प्रवेशद्वारांवर...
