ट्रम्पशाहीला दणका! दुसऱ्यांसाठी खड्डा खोदणारे डोनाल्ड ट्रम्प स्वत:च पडले खड्ड्यात, थेट गुंतवणूकदार..

अमेरिका आणि इराण यांच्यातील युद्ध पेटले असून इराणवर अमेरिका आणि इस्त्रायल मिळून हल्ले करत आहे. सतत दोन्ही देशांचे हल्ले सुरू आहेत, पण इराण हार मानताना दिसत नाही. उलट इराणकडून मोठे हल्ले इस्त्रायल आणि अमेरिकेचे लष्कर तळ असलेल्या ठिकाणी केले जात आहे. इस्त्रायलकडून इराणचे तेल साठ्यांना टार्गेट करून हल्ले केले जात आहेत. इराणमधील शस्त्रसाठा नष्ट करण्यासाठी अमेरिका आपल्या लष्कराला थेट मैदानात उतरवण्याच्या तयारीत आहे. अमेरिका आणि इस्त्रायलकडून इराणी तळांवर टार्गेट करून हल्ले केले जात आहेत. इराणच्या बहरीन बंदरावर मोठा हल्ला करण्यात आला. इराणचे 300 मिसाईल लॉन्चर नष्ट करण्यात आल्याचा दावा अमेरिकेने केला. या हल्ल्यात सर्वात जास्त नुकसान इराणी लोकांचे होत असून हल्ल्यात जीव जात आहेत.

1000 पेक्षा अधिक लोकांचा आतापर्यंत जीव गेल्याची माहिती मिळत आहे. तेहरानमध्ये तेलवाहू पाईपलाईनला मोठी आग लागली. दुबईतील मोठ्या इमारतींना आग लागल्याने मोठे नुकसान झाले. इराण, अमेरिका आणि इस्त्रायल युद्धाचा परिणाम सर्वात जास्त आखाती देशांना बसतोय. अर्थव्यवस्था ढासळताना दिसत आहे. युद्धामुळे कुवेत, कतार, अरब अमिराती, साैदी अरेबिया या देशांच्या अर्थव्यवस्थेला मोळी झळ लागली आहे.

साैदी अरेबिया म्हटले की, पर्यटकांना सर्वात सुरक्षित ठिकाण वाटते. मात्र, सध्याची स्थिती बघता भविष्यात पर्यटकाला मोठा फटका बसला. अनेक पर्यटक या युद्धाच्या स्थिती अडकून पडले होते. अमेरिकेसोबतचे गुंतवणूकदार आपल्या भविष्याचा विचार करत आहेत. या युद्धामुळे तेल वाहतूक मंदावली आहे. दूतावासावरील हल्ले, पायाभूत सुविधांचे झालेले नुकसान विमानतळांचे झालेले नुकसान यामुळे काही वर्ष या देशांच्या अर्थव्यवस्थेला फटका बसणार हे स्पष्ट आहे.

डोनाल्ड ट्रम्प यांच्या दाैऱ्यानंतर या आखाती देशांनी अमेरिकेमध्ये मोठी गुंतवणूक करण्याचे संकेत दिले होते. तसे काही करारही करण्यात आले. मात्र, आता ते या गुंतवणुकीवर विचार करत आहेत, हा मोठा फटका अमेरिकाला म्हणावा लागेल. हेच नाही तर बरेच लोक या युद्धात आमच्या देशाला ओढण्याचा अधिकार तुम्हाला कोणी दिला म्हणत डोनाल्ड ट्रम्प यांना टॅग करत सोशल मीडियावर पोस्ट शेअर करत आहेत. दुबई, कतार, कुवेतमध्ये मोठे नुकसान झाले.