डिमार्टचा भोंगळ कारभार, थेट सॉफ्टी आयस्क्रीममध्ये किडा, तुकाराम मुंडेंकडे तक्रार..

डिमार्टमध्ये खरेदी करण्यावर लोकांचा अधिक भर असतो. विशेष म्हणजे डिमार्टमध्ये अगदी स्वस्तामध्ये वस्तू मिळतात. अनेक प्रकारच्या सवलती डिमार्टमध्ये असतात. अगदी कमी पैशांमध्ये तुम्ही महिन्याभराचा किराणा भरू शकता. घरात लागणारी प्रत्येक गोष्ट तुम्हाला मिळते. यासोबतच महिला कायमच लहान मुलांना डिमार्टमध्ये घेऊन जातात. तिथे पॉपकॉर्न आणि सॉफ्टी आयस्क्रीमही मिळते. बरेच लोक सॉफ्टी आयस्क्रीम खाण्यासाठीही तिथे जातात. हजारो लोक दररोज डिमार्टमध्ये खरेदीसाठी जातात. त्यात शनिवार रविवार म्हटले की, डिमार्टमध्ये मोठी गर्दी असते. शिवाय महिन्याच्या पहिल्या आठवड्यात लोकांची अधिक गर्दी असते. डिमार्टमध्ये फिरून फिरून थकल्यानंतर सर्वांना तिथे मिळणारी सॉफ्टी आयस्क्रीम खायला आवडते. मात्र, आता नुकताच एक अत्यंत गंभीर प्रकार पुढे आला.

लोक डिमार्टमध्ये मोठ्या प्रमाणात खाद्यपदार्थांची खरेदी करतात, त्याच डिमार्टमध्ये मिळणाऱ्या सॉफ्टी आयस्क्रीमध्ये चक्के किडा दिसून आला. या धक्कादायक प्रकरणानंतर थेट तक्रारदाराने तुकाराम मुंडे यांच्या अन्न आणि औषध प्रशासनाकडे तक्रार नोंदवली. नागपूरमधील बहादुरा येथील डिमार्टमध्ये एका ग्राहकाने सॉफ्टी आयस्क्रीम खरेदी केली.

त्यात चक्क जिवंत किडा दिसून आला. डिमार्ट येथील सॉफ्टी सर्वजणच आवडीने खातात. तिथे अशाप्रकारचा प्रकार घडल्याने खळबळ उडाली. नागपूरमधील बहादुरा येथे असलेल्या डिमार्टमधील सॉफ्टी मशीन आणि विक्रीसाठी ठेवलेल्या सर्व खाद्यपदार्थांची तपासणी अन्न सुरक्षा अधिकाऱ्यांनी करावी, अशी मागणी करण्यात आली. आता तुकाराम मुंडे यांच्या निशाण्यावर राज्यातील डिमार्ट येऊ शकतात.

तसे निवेदनही अन्न आणि औषध प्रशासनाकडे देण्यात आले. गेल्या काही दिवसांपासून अन्न आणि औषध प्रशासनाकडून राज्यभरात छापेमारी सुरू आहे. विविध हॉटेलची तपासणी केली जात आहेत. काहींचे थेट परवानेही रद्द करण्यात आलीत. मात्र, काही अधिकारी तुकाराम मुंडे यांच्या विरोधात एकवटली आहेत. त्यांना सतत काम लागत असून सुट्टी मिळत नाही. कामाचा ताण प्रचंड वाढल्याचे म्हणत त्यांनी तुकाराम मुंडे यांच्याविरोधात निवेदन दिले. भेसळयुक्तांचे धाबे तुकाराम मुंडे यांच्या कारवाईनंतर दणाणली आहेत.