महाराष्ट्रातील महिला खासदाराच्या चापट मारली… श्यामकुमार बर्वेंनी दिले स्पष्टीकरण, नेमकं बसमध्ये काय घडलं?

काँग्रेसचे खासदार श्यामकुमार बर्वे यांचा एक व्हिडीओ सोशल मीडियावर तुफान व्हायरल होत आहे. या व्हिडीओमध्ये ते बसमध्ये बसलेले दिसत आहेत. हा व्हिडीओ दिल्लीमध्ये झालेल्या काँग्रेसच्या आंदोलनादरम्यानचा आहे. या बसमध्ये काँग्रेसचे इतरही खासदार दिसत आहेत. दरम्यान, बसमध्ये श्यामकुमार बर्वे हे खासदार प्रतिभा धानोरकरांच्या चापट मारताना दिसत आहेत. त्यांच्या या व्हिडीओने सर्वत्र खळबळ माजली आहे. हा व्हिडीओ व्हायरल झाल्यानंतर आता श्यामकुमार यांनी प्रतिक्रिया दिली आहे.

श्यामकुमार बर्वे माध्यमांशी बोलताना म्हणाले की, आम्ही दिल्लीमध्ये जेव्हा आंदोलन करत होतो. आपण पाहात आहात की सतत आंदोलन करत आहोत. त्या आंदोलनाला कुठे तरी गालबोट लावण्याकरिता हा फेक नरेटिव्ह त्यांनी उभा केला. एका महिलेला कुठे तरी बदनाम करण्यासाठी… ती महिला आमच्या छोट्या बहिणीसारखी आहे. धारोकर ताई आणि त्यात तो नारे लावतानाचा फोटो आहे. व्हिडीओमध्ये नारे लावत नव्हतो तर आमची काही तरी थट्ट सुरु होती. त्याच्यामध्ये मी चापट मारली आहे आणि आम्ही नेहमी सोबत असतो. त्याच्यामध्ये हा विषय खूप मोठा करायची गरज नाही. पण आमच्या विरोधकांनी ते खोटा इमेल करुन ते आमच्या पक्षाला पाठवले आहे. आता प्रदेशाध्यक्षांनी बाईट दिला आहे. त्यामध्ये त्यांनी सर्व स्पष्टीकरण दिले आहे.

तक्रारीबद्दल बोलताना ते म्हणाले की…

पुढे ते म्हणाले की, तक्रार दाखल करण्यावर ते म्हणाले की, तक्रार दाखल करणाऱ्यांचे नाव माहितीये का तुम्हाला? बेनामी आहे तो मेल. नागपूर काँग्रेसच्या दोन्ही शहर अध्यक्षांसोबत माझे बोलणे झाले आहे. फेक इमेल केला आहे. मी स्वत: मुख्यमंत्र्यांना पत्र लिहून त्याची चौकशी करायला लावणार आहे. तरे हे आमची बदनामी करणारा कोण व्यक्ती आहे? त्याने थेट इमेल करुन मला बदनाम करण्याचा प्रयत्न केला.

बसमध्ये नेमकं काय घडलं होतं?

बसमध्ये नेमकं काय घडलं? असा प्रश्न विचारताच बर्वे म्हणाले की, आम्ही गांभीर्याने आंदोलन करतो. तुम्ही आमचे व्हिडीओ बघा. धानोरकर ताईंचे व्हिडीओ बघा… वर्षाताईंचे व्हिडीओ बघा… त्या नारे देत नव्हत्या असं काही तरी आमच्यामध्ये चर्चा, थट्टा सुरु होती. त्यामध्ये केले ते कृत्य आहे.