EVM मशीनचे ते सीक्रेट बटण, केवळ निवडणूक अधिकारीच करू शकतात Press
EVM Button: ईव्हीएम मशीनमध्ये एक असे सीक्रेट बटण असते जे केवळ निवडणूक अधिकारीच दाबू शकतात. या बटणाचा काय असतो उपयोग? ईव्हीएममध्ये ते का इतके खास? मतदारांसाठी त्याचे इतके महत्त्व का? जाणून घ्या
EVM Ballot Button: इलेक्ट्रॉनिक वोटिंग मशीनमध्ये गडबड होऊ नये यासाठी अनेक तांत्रिक बाबी लक्षात घेतल्याचा दावा केंद्रीय निवडणूक आयोगाकडून करण्यात येतो. मतदाराचा मतदानाचा हक्क अबाधित राहावा आणि बोगस मतदार घुसू नये यासाठी अनेक स्तराची सुरक्षा व्यवस्था आयोग घेतो. त्यासाठी ईव्हीएम मशीनमध्ये एक सीक्रेट बटण असते. त्याला बॅलेट बटण असे म्हणतात. हे बटण कंट्रोल युनिटवर असते. अधिकृत पोलिंग अधिकारी ते व्यवस्थापन आणि नियंत्रण करतो. मतदार हा त्याच्या पसंतीच्या उमेदवाराला मतदान करण्यासाठी निळे बटण दाबतो, पण जोपर्यंत मतदान प्रक्रिया सुरू होत नाही, अधिकारी ते मशीन सुरू करत नाही. ही प्रक्रिया पूर्ण होत नाही.
बेल्ट बटण कुठे असते?
बेल्ट बटण इलेक्ट्रॉनिक वोटिंग मशीच्या कंट्रोल युनिटवर असते. हे बटण पोलिंग अधिकाऱ्यांच्या व्यवस्थापना खाली असते. कंट्रोल युनिटला बॅलेट युनिटपासून वेगळे ठेवण्यात येते. याठिकाणी मतदार उमदेवाराला मतदान करतात. कंट्रोल युनिट हाताळणारा अधिकारी मतदाराची ओळख पटवल्यानंतर मतदान प्रक्रिया सुरू करतो. यादरम्यान बॅलेट युनिट मतदान बॉक्समध्ये ठेवण्यात येते. यामुळे मतदान करताना गोपनीयता बाळगली जाते.
बॅलेट बटण कसे काम करते?
मतदान प्रक्रियेत अनेक टप्पे असतात. मतदाराच्या ओळखीपासून ते मतदान होईपर्यंत अनेक टप्पे असतात. जेव्हा मतदार मतदान केंद्रावर येतो. तेव्हा केंद्रावरील मतदान अधिकारी, मतदाराची ओळख पटवतो. त्यासाठीची प्रक्रिया पूर्ण करतो. मतदानावेळी बोटावर शाई सुद्धा लावली जाते. यामुळे बोगस मतदारांना आळा बसतो. मतदाराची ओळख पटल्यानंतर अधिकारी कंट्रोल युनिटवरील बॅलेट बटण दाबतो. बॅलेट युनिट सुरू होते. यामुळे मतदानाचा मत नोंदवल्या जाते.
बॅलेट बटण दबाल्यानंतर कंट्रोल युनिटसंबंधित स्टेट्स इंडिकेशन दिसते. यासह बॅलेट युनिटवर हिरवा आणि लाल रंगाचा लाईट लागतो. यानंतर मतदार संबंधित निळे बटण दाबून मतदानाचा हक्क बजावता येतो. बॅलेट बटण दाबल्यानंतर कंट्रोल युनिटशी संबंधित स्टेट्स इंडिकेशन दिसते. त्यासोबतच बॅलेट युनिटवर हिरवा-लाल रंगाचा लाईट लागतो. मतदाराने निळे बटण दाबल्यावर ईव्हीएममधून एक दीर्घ बीप असा आवाज येतो. त्याआधारे मतदान झाल्याचे पक्के होते.
