PHOTO | निवेदिता सराफांची कोरोनावर मात, सासूबाई ‘आसावरी’चे सेटवर जोरदार स्वागत!
झी मराठीच्या ‘अग्गबाई सासूबाई’ मालिकेच्या सेटवरही कोरोनाने प्रवेश केला होता.
या मालिकेत मुख्य भूमिका साकारणाऱ्या अभिनेत्री निवेदिता सराफ यांना कोरोनाची लागण झाली होती.
निवेदिता सराफ यांना कोरोना विषाणूचे सौम्य लक्षणे जाणवू लागल्याने खबरदारीचा उपाय म्हणून कोरोनाची चाचणी करून घेण्याचे ठरवले होते.
15 सप्टेंबर रोजी त्यांचा चाचणी अहवाल पॉझिटीव्ह आल्याने त्यांना घरीच क्वारंटाईन करण्यात आले होते. त्यादिवसापासून ‘अग्गबाई सासूबाई’ मालिकेचे चित्रीकरण थांबवण्यात आले होते.
त्यांचे सहकलाकार तेजश्री प्रधान, आशुतोष पत्की, डॉ. गिरीश ओक यांच्यासह इतर कलाकारांचीही कोरोना चाचणी निगेटिव्ह आली होती.
आता कोरोनावर यशस्वीरित्या मात करून अभिनेत्री निवेदिता सराफ पुन्हा प्रेक्षकांचे मनोरंजन करण्यास सज्ज झाल्या आहेत.
कोरोनावर मात करत त्यांनी पुन्हा एकदा मालिकेच्या चित्रीकरणाला सुरुवात केली आहे. सासूबाई ‘आसावरी’चे सेटवर जोरदार स्वागत करण्यात आले आहे.
