Akola accident | अकोल्यात होंडा सिटी आणि ट्रकची धडक, पती-पत्नीसह दोन चिमुकल्यांचा मृत्यू

अकोला : अकोल्यात कार आणि ट्रकचा भीषण अपघात झाला (Akola Car And Truck Accident) आहे. या अपघातात चौघांचा मृत्यू झाला असून मृतांमध्ये दोन लहान मुलांचा समावेश आहे. तर तीन जण गंभीर जखमी झाले आहेत. अकोल्यातील राष्ट्रीय महामार्गावरील अमरावती मूर्तिजापूर रोडजवळील नागोली नागठाणा गावात हा भीषण अपघात झाला.

अकोल्यातील नागठाणा फाट्याजवळ नागपूरहून मुंबईकडे जाणाऱ्या MH 04 – BW – 5259 क्रमांकाच्या होंडा सिटी कारला अमरावतीकडे जाणाऱ्या MH15- FV -1413 क्रमाकांच्या ट्रकनं जबर धडक दिली. या धडकेत कारमधील सर्व जण बाहेर फेकले गेले. तर कारचा समोरील भाग चक्काचूर झाला.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

या अपघातात पती-पत्नीसह दोन चिमुकल्यांचा जागीच मृत्यू झाला. तर तीन जण गंभीर आहेत. हुसेन गुलाम हुसेन, साबीया हुसेन हबीब आणि हुसेन हबीब मोहम्मद हबीब अशी जखमींची नावे आहेत.

MahaFast News 100 | शंभर बातम्यांचा बुलेटच्या वेगाने आढावा, पाहा महाफास्ट न्यूज 100 न्यूज, दररोज टीव्ही 9 मराठीवर!

त्यांच्यावर मूर्तिजापूर येथील लक्ष्मीबाई देशमुख रुग्णालयात प्राथमिक उपचार करण्यात आले आहेत. तसेच पुढील उपचारासाठी त्यांना अकोल्यातील शासकीय रुग्णालयात दाखल केले आहे.

या घटनेनंतर पोलिसांनी तात्काळ घटनास्थळी धाव घेतली. दरम्यान हा अपघात नेमका कसा घडला याचा तपास पोलीस करत (Akola Car And Truck Accident) आहेत.

संबंधित बातम्या : 

Bhanushali building collapse Live Update | भानुशाली इमारत दुर्घटना, एनडीआरएफच्या मदतीला श्वानपथक

नाशिकमधील धोकादायक वाड्यांचा प्रश्न ऐरणीवर, 1 हजार 32 जुन्या वाड्यांना नोटीस