Solapur Corona | 40 कोरोना बळींची माहिती लपवली, सोलापुरातील तीन रुग्णालयांना कारणे दाखवा नोटीस

सोलापुरातील तब्बल 40 कोरोनाबाधित मृतांचा आकडा तीन रुग्णालयांनी महापालिका यंत्रणेकडे पाठवला नाही.

Nupur Chilkulwar | Updated on: Jun 22, 2020 | 11:15 PM

सोलापूर : सोलापुरातून एक धक्कादायक माहिती (Solapur Hospitals Hides Corona Deaths) पुढे आली आहे. सोलापुरातील तब्बल 40 कोरोनाबाधित मृतांचा आकडा तीन रुग्णालयांनी महापालिका यंत्रणेकडे पाठवला नाही. जून आणि मे महिन्यात मृत झालेल्या 40 लोकांची यादी आज (22 जून) पालिकेला (Solapur Hospitals Hides Corona Deaths) प्राप्त झाली.

कम्युनिकेशन गॅपमुळे मृतांचा आकडा पालिकेपर्यंत पोहोचला नाही, अशी माहिती आहे. महानगर पालिकेच्या यंत्रणेत 40 कोरोनाबाधित मृतांची आज अखेर नोंद करण्यात आली. त्यामुळे सोलापुरातील कोरोना बळींची संख्या 213 वर पोहोचली आहे.

कोरोना बळींची माहिती दडविल्याप्रकरणी सिव्हील हॉस्पिटल, अश्विनी रुग्णालय, मार्कंडेय रुग्णालयाला पालिका आयुक्तांनी कारणे दाखवा नोटीस बजावली आहे. तसेच, ज्या डॉक्टरांकडे या तीन रुग्णालयांची जबाबदारी होती, त्यांच्यावरही पालिकेकडून कारवाई करण्यात येणार आहे.

Maharashtra Corona Update | दिवसभरात 1,962 रुग्ण कोरोनामुक्त, बाधितांचा आकडा 1 लाख 35 हजार 796 वरhttps://t.co/l072IErGfZ @rajeshtope11 #CoronaUpdates #CoronaInMaharashtra

— TV9 Marathi (@TV9Marathi) June 22, 2020

Solapur Hospitals Hides Corona Deaths

राज्यातील कोरोनाबाधितांचा आकडा 1 लाख 35 हजार 796 वर

राज्यात आज (22 जून) दिवसभरात कोरोनाचे 3 हजार 721 नवे रुग्ण आढळले. त्यामुळे राज्यातील कोरोनाबाधित रुग्णांची संख्या 1 लाख 35 हजार 796 वर पोहोचली आहे. राज्यात आज दिवसभरात 1 हजार 962 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला, अशी माहिती राज्याचे आरोग्यमंत्री राजेश टोपे यांनी दिली.

राज्यात आतापर्यंत 6 हजार 283 रुग्णांचा मृत्यू

राज्यात आतापर्यंत एकूण 67 हजार 706 रुग्ण बरे झाले आहेत. तर 61 हजार 793 रुग्णांवर उपचार सुरु आहे. दरम्यान, राज्यात आतापर्यंत 6 हजार 283 रुग्णांचा कोरोनामुळे मृत्यू झाला आहे. आज दिवसभरात 62 कोरोना रुग्णांचा मृत्यू झाला आहे.

VIDEO :