तू ज्या शाळेत शिकतो बेटा, त्याचा मी हेडमास्तर; अजित पवारांचा खोचक टोला कुणाला?

इंदापूर येथे अजित पवार बोलत असताना त्यांनी रोहित पवारांवर हल्लाबोल केल्याचे पाहायला मिळाले. अजित पवार म्हणाले, ज्याला जिल्हा परिषद तिकीट देण्यास साहेबांनी विरोध केला त्याला मी तिकीट दिलं. अशांनी माझ्या नादी लागावं, तू ज्या स्कुलमध्ये शिकतो त्याचा हेडमास्तर मी आहे, असं वक्तव्य करत अजित पवारांनी रोहित पवारांवर खोचक टीका केली आहे. पुढे अजित पवार असेही म्हणाले, त्याच्यावर मी बोलणार नाही आणि मी त्याला मोठा करणार नाही. पण आम्ही काही बोललो नाही तर लोकांना वाटतं कुठंतरी पाणी मुरतंय त्यामुळे बोलावं लागतं. काही जण पहिल्यांदा आमदार झालेत, तरी इतकं वटवट करायला लागलेत. त्यांनी माझ्यावर 70 हजार कोटींचे आरोप केलेत. 70 हजार कोटी दाखव त्यातील 35 कोटी तू घेऊन जा, असे म्हणत अजित पवारांनी रोहित पवारांना खोचक टोला लगवाला आहे. अजित पवार म्हणाले, ते म्हणतात 70 हजार कोटी आहेत. मी म्हणतो 69 हजार कोटी तुला आणि मी 1 हजार कोटी मला… असं म्हणत अजित पवारांनी मिश्किल भाष्य करत अजित पवारांची खिल्ली उडवली.