रात्री साडेबारा वाजता दार ठोठावलं म्हणून तरुणाची दगडाने ठेचून हत्या, डोंबिवलीतील धक्कादायक घटना

ठाणे : दार ठोठवल्याच्या रागातून एका 31 वर्षीय तरुणाची दगडाने ठेचून हत्या केल्याची धक्कादायक घटना डोंबिवलीत घडली आहे. ही घटना नेमकं दिवाळीच्या दिवशी घडल्याने परिसरात एकच खळबळ उडाली आहे. दरम्यान, याप्रकरणी पोलिसांनी दीपक मोरे या आरोपीला बेड्या ठोकल्या आहेत (Youth murder due to knocking on door).

डोंबिवली पूर्वेतील ज्योतीनगर परिसरात राहणाऱ्या दीपक मोरे आणि संजय गवळी या दोघांमध्ये शनविरी (14 नोव्हेंबर) रात्री साडेबारा वाजेच्या सुमारास वाद झाला. वादाचे कारण केवळ इतकेच होते की, संजय गवळी याने रात्री साडेबारा वाजता दीपक मोरे याचे दार ठोठावले होते (Youth murder due to knocking on door).

संजय गवळीच्या दार ठोठावल्याचा दीपक याला इतका राग आला की, तो घराबाहेर आला. त्याने दगडाने ठेचून संजय गवळी याला गंभीर जखमी केले. घटनेत संजय याचा दुदैवी मृत्यू झाला. या प्रकरणी डोंबिवली रामनगर पोलिसांनी आरोपी दीपक मोरे याला अटक केली आहे.

“आरोपी दीपक मोरे याच्या पहिल्या पत्नीसोबत मयत संजय गवळीचे अनैतिक संबंध असल्याच्या संशय त्याला होता. यावरुन दोघांमध्ये वाद झाले होते. शनिवारी रात्री संजय याने दीपकचे दार ठोठावले. यानंतर ही घटना घडली. पुढील तपास सुरु आहे. मयत संजय याच्या विरोधात अनेक गुन्हे दाखल आहेत”, अशी माहिती रामनगर पोलिस स्टेशनचे वरिष्ठ पोलिस निरिक्षक सचीन सांडभोर यांनी दिली.

हेही वाचा :

लिव्ह इनमध्ये राहात असलेल्या प्रियकराचा अ‍ॅसिड हल्ला, प्रेयसीचा दुर्दैवी मृत्यू

कल्याणमध्ये दोन गटांत हाणामारीदरम्यान अ‍ॅसिड हल्ला, सहाजण गंभीर जखमी