‘ही’ आहेत भारतातील स्कूबा डायव्हिंगसाठी पाच सर्वोत्तम ठिकाणे
स्कूबा डायव्हिंग ही एक उत्तम ॲडव्हेंचर ॲक्टिव्हिटी आहे. ज्यामध्ये तुम्ही खोल समुद्रात जाऊन तेथील नैसर्गिक सौंदर्य पाहता व अनुभवता देखील. त्यासोबत सुरक्षिततेसाठी सावधगिरी बाळगणे खूप महत्वाचे आहे. तर स्कूबा डायव्हिंग करायची असेल तर भारतातील ही ठिकाणे यासाठी प्रसिद्ध आहेत.
स्कीइंग, स्नोबोर्डिंग, माउंटन बाइकिंग, रॉक क्लाइंबिंग आणि पॅराग्लायडिंग सारख्या अनेक साहसी ॲक्टिव्हिटी अनेकांनी केल्या आहेत. यासाठी हिमाचल, उत्तराखंड आणि दक्षिणेतील अनेक ठिकाणे खूप प्रसिद्ध आहेत. परंतु स्कूबा डायव्हिंगबद्दल खूप कमी लोकांना माहिती आहे. पण असे काही लोकं आहेत ज्यांना समुद्रात राहणाऱ्या प्राण्यांचे जीवन जवळून पाहण्याची खूप आवड असते.
तर स्कूबा डायव्हिंग हा एक उत्तम मार्ग आहे जे पाण्याखाली निळ्याशार समुद्रात रंगीबेरंगी आणि विविध प्रकारचे मासे, जलचर प्राणी पाहायला मिळतात. तर स्कूबा डायव्हिंग करताना पाण्यात श्वास घेण्यासाठी स्वयंपूर्ण श्वासोच्छवासाचे उपकरण वापरली जातात. या दरम्यान माणूस बराच काळ पाण्याखाली राहतो आणि आत अनेक नैसर्गिक गोष्टी अनुभव घेत असतो. तर तुम्हालाही स्कूबा डायव्हिंग करायची असेल तर भारतात असलेल्या या प्रसिद्ध ठिकाणांबद्दल जाणून घेऊयात…
भारतातील स्कूबा डायव्हिंगसाठी 5 प्रसिद्ध ठिकाणे
महाराष्ट्रातील तारकर्ली
महाराष्ट्रातील सिंधुदुर्ग किल्ल्याजवळील तारकर्ली येथील पाणी स्वच्छ असल्याचे म्हटले जाते. येथे अनेक प्रजातींचे मासे आणि इतर सागरी जीव पाहता येतात. स्कूबा डायव्हिंग व्यतिरिक्त, तुम्हाला पॅरासेलिंग आणि जेट स्कीइंग करण्याची संधी देखील मिळू शकते. ऑक्टोबर ते मार्च हा येथे स्कूबा डायव्हिंगसाठी सर्वोत्तम काळ मानला जातो.
गोवा
गोव्यात अनेक समुद्रकिनारे आहेत. म्हणूनच लोक येथे भेट देण्याचा विचार करतात. ग्रँड आयलंड, सुजीज रेक, सेल रॉक, डेव्ही जोन्स लॉकर आणि टर्बो टनेल ही ठिकाणं येथील स्कूबा डायव्हिंगसाठी खूप प्रसिद्ध आहेत. ऑक्टोबर ते मे हा काळ यासाठी सर्वोत्तम मानला जातो. त्यामुळे जर तुम्हाला स्कूबा डायव्हिंग करायचे असेल तर तुम्ही येथेही जाऊ शकता.
केरळमधील कोवलम स्कूबा डायव्हिंग
केरळमधील कोवलम हे ठिकाण स्कूबा डायव्हिंगसाठी देखील ओळखले जाते. लाईटहाऊस बीच आणि हवा बीच यासाठी सर्वात प्रसिद्ध आहेत. सप्टेंबर ते फेब्रुवारी हा काळ कोवलममध्ये स्कूबा डायव्हिंगसाठी प्रसिद्ध मानला जातो.
कर्नाटकातील नेत्राणी बेट
कर्नाटकातील नेत्राणी बेट स्कूबा डायव्हिंगसाठी देखील खूप लोकप्रिय आहे, या ठिकाणाला पिजन आयलंड असेही म्हणतात. येथे डायव्हिंगसाठी सप्टेंबर ते मे हा सर्वोत्तम वेळ आहे. हे ठिकाण कर्नाटकातील उत्तर कन्नड जिल्ह्यातील मुरुडेश्वरपासून सुमारे 20 ते 25 किमी अंतरावर आहे. याला बजरंगी बेट आणि हृदयाच्या आकाराचे बेट असेही म्हणतात.
पाँडिचेरी
भारताच्या पूर्व किनाऱ्यावरील पाँडिचेरी हे स्कूबा डायव्हिंगसाठी प्रसिद्ध ठिकाण आहे. ते भारतातील सर्वोत्तम स्कूबा डायव्हिंग ठिकाणांपैकी एक मानले जाते. येथे अरविंदची भिंत, टेंपल रीफ, 4 कॉर्नर्स, कूल शार्क रीफ आणि रेव्हिन्स आणि द होल सारखी स्कूबा डायव्हिंग स्पॉट्स आहेत. जरी येथे स्कूबा डायव्हिंग वर्षाच्या कोणत्याही वेळी करता येते, परंतु फेब्रुवारी ते एप्रिल आणि सप्टेंबर ते नोव्हेंबर हा काळ यासाठी सर्वोत्तम मानला जातो.
या गोष्टी लक्षात ठेवा
डायव्हिंग करण्यापूर्वी, हवामान आणि समुद्राच्या खोलीबद्दल माहिती घ्या. स्थानिक मार्गदर्शकाच्या सल्ल्याचे नेहमी पालन करा. स्कूबा डायव्हिंग नेहमीच अनुभवी आणि प्रमाणित स्कूबा डायव्हिंग प्रशिक्षकाच्या देखरेखीखाली केले पाहिजे. नेहमी सहकारी प्रशिक्षकासोबत डायव्हिंग करा. एकट्याने समुद्रात डायव्हिंग करणे धोकादायक असू शकते. श्वासोच्छवास किंवा हृदयाशी संबंधित कोणतीही समस्या असल्यास, प्रथम डॉक्टरांचा सल्ला घ्या. निर्धारित खोली आणि वेळेपेक्षा जास्त डायव्हिंग करू नका.
