Varun Sardesai : ठाकरेंच्या नेत्याने भाजपाच्या मुंबई अध्यक्षालाच घेरलं; बाहुली म्हणत हिणवलं; वाद पेटणार?

मनसे आणि ठाकरे गटाच्या शिवसेनेची युती अखेर राज ठाकरे यांनी स्वतः घोषित केली आहे. या घोषणेनंतर युवासेनेचे नेते वरुण सरदेसाई यांनी प्रतिक्रिया दिली आहे. सरदेसाई म्हणाले की, महत्त्वाच्या घोषणा नेत्यांनीच करायच्या असतात आणि राज ठाकरे यांनी आजचा योग्य दिवस साधला. ही घोषणा मराठी माणसाला आणि मुंबईकरांना सुखावणारी असून, उमेदवार मनसेचा असो किंवा शिवसेनेचा, तो ठाकरेंचा आहे हे पाहून काम केले जाईल. जागावाटपाबाबत बोलताना सरदेसाईंनी सांगितले की, मुंबईचे जागावाटप निश्चित झाले आहे. कल्याण-डोंबिवली, ठाणे, नाशिक आणि पुण्यातही येत्या काही दिवसांत एकमत होऊन युतीची घोषणा होईल. भाजपचे मुंबई अध्यक्ष अमित साटम यांनी राज ठाकरेंचा जुना व्हिडिओ ट्विट करत केलेल्या टीकेला सरदेसाईंनी प्रत्युत्तर दिले. अमित साटम एक बाहुली आहेत. ते जर खरंच सक्षम असते, तर त्यांच्या डोक्यावर आशिष शेलार नसते, असे ते म्हणाले. प्रत्येकाने आपली पात्रता ओळखून बोलावे, असा सल्लाही सरदेसाईंनी साटम यांना दिला.