सलमान खानला चिकनचा कोणता पदार्थ सर्वात जास्त आवडतो? जाणून घेण्यासाठी पुढे वाचा

बॉलिवूडचा ‘भाईजान’ सलमान खान आपल्या फिटनेससाठी ओळखला जातो. त्याचे शिस्तबद्ध जीवन आणि पौष्टिक आहार अनेक तरुणांना प्रेरणा देतो. त्याच्या फिटनेस प्रवासात, डाएटचे महत्त्व मोठे आहे आणि त्यातही त्याला एक पदार्थ विशेष आवडतो ग्रिल्ड चिकन. हे केवळ त्याच्या आवडीचे नाही, तर फिटनेसच्या दृष्टीनेही अत्यंत फायदेशीर आहे.

ग्रिल्ड चिकन का आहे फिटनेसचा उत्तम पर्याय?

ग्रिल्ड चिकन हा एक कमी कॅलरी असलेला आणि भरपूर प्रोटीन देणारा पदार्थ आहे. जेव्हा तुम्ही चिकनला तेलात तळण्याऐवजी ग्रिल करता, तेव्हा त्याचे अतिरिक्त फॅट कमी होते. प्रोटीनमुळे स्नायू मजबूत होतात आणि शरीराला आवश्यक ऊर्जा मिळते. यामुळे भूक लवकर लागत नाही, ज्यामुळे वजन नियंत्रणात ठेवण्यास मदत होते. म्हणूनच, फिटनेसप्रेमी आणि आरोग्य जागरूक लोक आपल्या आहारात ग्रिल्ड चिकनचा नियमित समावेश करतात.

घरच्या घरी बनवा सलमानच्या आवडीचे ग्रिल्ड चिकन

तुम्हीही सलमानसारखे फिट आणि हेल्दी राहायचे ठरवले असेल, तर घरच्या घरी चविष्ट ग्रिल्ड चिकन बनवणे सोपे आहे. यासाठी खालील साहित्य आणि कृती वापरू शकता.

आवश्यक साहित्य:

500 ग्रॅम चिकन ब्रेस्ट

2 चमचे ऑलिव्ह ऑइल

1 चमचा लिंबाचा रस

1 चमचा आले-लसूण पेस्ट

मीठ आणि काळी मिरी पूड चवीनुसार

आवडीनुसार हर्व्हस् (ओरेगॅनो, थाईम)

कृती:

चिकनचे तुकडे स्वच्छ धुऊन घ्या आणि बाजूला ठेवा.

एका मोठ्या भांड्यात ऑलिव्ह ऑइल, लिंबाचा रस, आले-लसूण पेस्ट, मीठ, काळी मिरी पूड आणि हर्व्हस् एकत्र करून चांगले मिक्स करा.

आता चिकनचे तुकडे या मिश्रणात घालून किमान १ तास मॅरिनेट होऊ द्या. मॅरिनेशनमुळे चिकन अधिक स्वादिष्ट आणि मऊ बनते.

ग्रिल पॅन किंवा ओव्हन आधीच गरम करून घ्या.

मॅरिनेट केलेले चिकन ग्रिलवर ठेवा आणि दोन्ही बाजूंनी सोनेरी-तपकिरी रंग येईपर्यंत भाजून घ्या. लक्षात ठेवा, चिकन जास्त कोरडे होऊ नये, ते आतून रसाळ (juicy) राहिले पाहिजे.

गरमागरम ग्रिल्ड चिकन सॅलड किंवा भाज्यांसोबत सर्व्ह करा. वरून थोडे लिंबू पिळल्यास त्याची चव आणखी वाढेल.

रोजच्या जेवणात तळलेल्या पदार्थांऐवजी ग्रिल्ड चिकनसारखे आरोग्यदायी पर्याय निवडून तुम्ही तुमच्या शरीराला पुरेसे प्रोटीन देऊ शकता आणि फिटनेसची ध्येये सहज साध्य करू शकता.