Fennel Seeds : वजन कमी करताय? पण काही केल्या होत नाही, मग बडीशेपचे ‘हे’ 6 फायदे एकदा नक्कीच वाचा!

मुंबई : सध्याच्या जीवनशैलीमध्ये (Lifestyle) प्रत्येकजण वाढलेल्या वजनामुळे त्रस्त आहे. मात्र, आपण काही घरगुती उपाय करूनही वाढलेल्या वजनची समस्या कायमीची दूर करू शकतो. बडीशेप (Fennel Seeds) हा पचनाच्या समस्यांवर एक प्राचीन उपाय आहे. बडीशेप औषधी गुणधर्मांनी समृद्ध आहे. यामध्ये कॅल्शियम, व्हिटॅमिन सी, लोह, मॅग्नेशियम आणि पोटॅशियम सारखे पोषक घटक असतात. विशेष म्हणजे ही बडीशेप वाढलेले वजन कमी (Weight loss) करण्यासाठी देखील महत्वाची भूमिका बजावते. बडीशेप हृदय निरोगी ठेवण्यासाठी वजन कमी करण्यास मदत करते. निरोगी राहण्यासाठी तुम्ही बडीशेपचे नियमित सेवन करू शकता. जाणून घेऊयात फायदे.

1. बडीशेप सेवन केल्याने वजन कमी करण्यात खूप मदत होते. या बियांमध्ये असलेले ऍनेथोल हे भूक कमी करण्याचे मुख्य काम करते. बडीशेप चहा नियमितपणे प्यायल्याने वजन कमी होण्यास मदत होते. यामुळे शक्यतो बडीशेप जास्त खाण्याचा प्रयत्न करा आणि वजन कमी करा.
2. बडीशेपमधील आवश्यक तेल आणि फायबर सामग्री शरीरातून विषारी पदार्थ बाहेर टाकण्यास मदत करते. अशा प्रकारे ते आपले रक्त शुद्ध करते. बडीशेपचे दाहक-विरोधी गुणधर्म बॅक्टेरिया आणि विषाणूंशी लढण्यास मदत करतात.
3. बडीशेपमध्ये सेलेनियम, कॅल्शियम आणि झिंक सारखी खनिजे असतात. हे तुमच्या रक्तप्रवाहात ऑक्सिजनचे संतुलन राखण्यासाठी उपयुक्त आहेत. ते त्वचेला थंडावा देतात. बडीशेप बिया त्वचेवर पुरळ आणि कोरडेपणावर उपचार करण्यास मदत करतात.
4. बडीशेप फायबरचा समृद्ध स्रोत आहे. हे पोषक तत्व हृदयरोगाचा धोका कमी करण्यास मदत करते. या बियांमध्ये मॅग्नेशियम, कॅल्शियम आणि पोटॅशियमसारखे इतर पोषक घटक देखील असतात. ते हृदय निरोगी ठेवण्यास मदत करतात.
5. बडीशेप कर्करोगाचा त्रास रोखण्यास मदत करते. बडीशेप आपल्याला पोट, त्वचा किंवा स्तनाचा कर्करोग अशा विविध प्रकारच्या कर्करोगापासून वाचविण्यास मदत करते. हे आपल्या शरीराला फ्री रॅडिकल्समुळे होणाऱ्या नुकसानापासून वाचवते.
6. बडीशेपमध्ये असणाऱ्या नैसर्गिक तेलामुळे अपचन, आतड्यांची सूज आणि बद्धकोष्ठतेची समस्या दूर करण्यास मदत होते. म्हणूनच बडीशेप दूध हे पोटातील आजार बरे करण्यासाठी खूप प्रभावी मानले जाते. यात असलेल्या अ‍ॅस्ट्रॅगल आणि अ‍ॅनिथोलमुळे, हे गॅस, वेदना आणि जठरासंबंधी विकार यांसारख्या पोटाच्या आजारांसाठी एक प्रभावी औषध मानले जाते.

संबंधित बातम्या : 

महिलांपेक्षा पुरूषांमध्ये हृदयविकाराचा झटका येण्याचं प्रमाण अधिक, कारण तुम्हाला माहिती आहे का ?

Obesity : लहानग्यांमधील लठ्ठपणासारख्या समस्येवर मात करण्यासाठी वाडिया हॉस्पिटलचा खास उपक्रम