Mahashivratri 2021 : आजच्या उपवासाला काहीतरी वेगळं खायचा प्लॅन करताय?, मग हे ट्राय करा!
वर्षातील सर्वात मोठी शिवरात्री म्हणजेच महाशिवरात्रीचा सण आज 11 मार्चला आहे.
मुंबई : वर्षातील सर्वात मोठी शिवरात्री म्हणजेच महाशिवरात्रीचा सण आज 11 मार्चला आहे. दरवर्षी फाल्गुन महिन्याच्या कृष्ण पक्षाच्या चतुर्दशीच्या तिथीला महाशिवरात्री साजरी केली जाते. हा दिवस महादेव आणि देवी पार्वतीला समर्पित असतो. महादेवाला प्रसन्न करण्यासाठी भांग, धतुरा, बेलपत्र आणि आक सारख्या वस्तू अर्पित केल्या जातात. यानिमित्ताने आज अनेक लोक उपवास देखील पकडतात. मात्र, उपवास म्हटंल्यावर काय खावे आणि काय खाऊ नये असा प्रश्न अनेकांच्या समोर असतो. चलातर आज आम्ही तुम्हाला सांगणार आहोत. उपवासाला काय खाल्ले पाहिजे. (Mahashivratri 2021 vrat special food recipe)
काहीजण दूध आणि फळे खाऊन उपवास करतात तर काहीजण निव्वळ पाणी पिऊन उपवास करतात. थोडीशी फळे आणि पाणी पिऊन उपवास करावा किंवा पचायला हलका आहार घेऊन उपवास केल्याने शरीर हलके रहाते. मात्र, प्रत्येक वेळी उपवासाच्या वेळी बटाटा आणि साबूची खिचडी खाल्ल्यानंतर सर्वांनाच कंटाळा येतो. म्हणून आज आम्ही तुम्हाला एक वेगळी उपवासाची डिशबद्दल सांगणार आहोत. ती डिश तयार करण्यासही सोप्पी आहे आणि खाण्यासही चवदार आहे.
-साहित्य
उकडलेले बटाटे
हिरवी मिरची
कोथिंबीर
मीठ
तूप
-प्रक्रिया
सर्वात अगोदर बटाटे उकळून घ्या त्याला थंड होऊ द्या. बटाटे थंड झाल्यावर ते किसून घ्या. नंतर बटाट्यांमध्ये हिरव्या मिरच्या बारीक चिरून घ्या, चवीनुसार कोथिंबीर आणि मीठ घाला. आता हे सर्व चांगले मिसळा. यानंतर या मिश्रणाचे छोटे छोटे गोळे करा. त्यानंतर गॅस सुरू करा आणि गॅस मंद आचेवर ठेवा. कढई गरम झाल्यावर त्यात दोन चमचे तूप घाला. तूप गरम झाल्यावर बटाट्याचे हे गोळे थोडे दाबून कढईत टाका. त्यानंतर मंद आचेवर त्याला चांगला खरखरीत पणा येऊपर्यंत तसेच ठेवा. मग आपली चवदार टिक्की तयार…
संबंधित बातम्या :
MahaShivratri 2021 | तुळशीची पानं आणि केतकीचं फुलं महादेवाला वर्ज्य, जाणून घ्या या मागील पौराणिक कथा
(Mahashivratri 2021 vrat special food recipe)