भूक शमवण्यासाठी डाएटमध्ये सामील करा ‘हे’ पदार्थ, काहीच दिवसांत शरीरावर दिसेल फरक!
वाढणारे वजन कमी करण्यासाठी बहुतेक लोक कमी कॅलरीचे पदार्थ खाण्यावर भर देतात. दुपारपर्यंत कमी कॅलरीचे पदार्थ देखील खातात
मुंबई : वाढणारे वजन कमी करण्यासाठी बहुतेक लोक कमी कॅलरीचे पदार्थ खाण्यावर भर देतात. दुपारपर्यंत कमी कॅलरीचे पदार्थ देखील खातात. मात्र, संध्याकाळी लागलेली भूक कंट्रोल करता येत नाही आणि याचदरम्यान जास्त कॅलरी असलेले अन्न खाल्ले जाते यामुळे वजन झपाट्याने वाढते. जर तुमच्यासोबत देखील असेच होत असेल तर आज आम्ही तुम्हाला काही खास पदार्थ सांगणार आहोत. ज्यावेळी तुम्हाला भूक लागेल त्यावेळी खा आणि विशेष म्हणजे यामुळे तुमचे वजन देखील वाढणार नाही. (To lose weight Include these foods in the diet)
दररोज 10 ग्रॅम मेथीचे सेवन केले, तर शरीरावरची चरबी कमी होण्यास मदत होते. मेथीच्या दाण्यांमध्ये विद्रव्य फायबर आणि ग्लूकोमोनास फायबर असते. ते आतड्यांमधून ग्लूकोज शोषून घेण्यास आणि मधुमेह नियंत्रित करण्याचे कार्य करतात. याव्यतिरिक्त, मेथीमधील अल्कॉइड्समुळे शरीरात इन्सुलिनचे प्रमाण सुधारते आणि ग्लाइसेमिक पातळी कमी होते. यामुळे ज्यांना वजन कमी करायचे आहे त्यांनी आहारामध्ये मेथी घेणे गरजेचे आहे.
बदाम भूक नियंत्रित करण्यास खूप मदत करते. जर आपण 2 जेवणाच्या मध्ये स्नॅक म्हणून बदाम खाल्ले तर आपले पोट बर्‍याच वेळेस भरले जाईल आणि आपल्याला भूक लागणार नाही. बदामांमध्ये प्रथिने, फायबर आणि निरोगी चरबी असते जी आपली भूक नियंत्रित करण्यास उपयुक्त ठरते. आपल्याला तंदुरुस्त आणि निरोगी ठेवण्यास देखील मदत करते.
एका संशोधनात असे सांगितले गेले आहे की, बदाम केवळ वजन कमी करण्यातच नव्हे तर आपल्या पोटातील चरबी कमी करण्यासही मदत करते, ज्यास बेली फॅट असेही म्हणतात. संशोधनानुसार जर तुम्ही दररोज कार्बोहायड्रेटयुक्त अन्नाऐवजी सुमारे 40 ग्रॅम बदामांचे सेवन केले तर ते तुमच्या शरीरातील खराब कोलेस्ट्रॉल कमी करते आणि पोटाची चरबी कमी करते. बेली फॅट खूप धोकादायक आहे. यामुळेवयापूर्वी हृदय रोग होण्याचा धोका लक्षणीय प्रमाणात वाढतो.
कोण म्हणतो की चॉकलेट खाणे फायदेशीर नाही. आपण नियमित चॉकलेटऐवजी डार्क चॉकलेट खाल्ले पाहिजे. डार्क चॉकलेटमध्ये 70 टक्के कोका असतो. यामुळे आपला भूक बराच काळ शांत राहतो. यात स्टेरिक अॅसिड असते. ज्यामुळे पाचन क्रिया कमी होते. आपल्याला बराच काळ भूक लागत नाही. आपण दररोज दोन तुकडे डॉर्क चॉकलेट खाऊ शकता.
संबंधित बातम्या :
टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
Papaya | केवळ पपईच नव्हे तर, पपईच्या बियादेखील आरोग्यवर्धक, जाणून घ्या याचे फायदे…https://t.co/45NyovSpYE#Papaya #PapayaSeeds #health
— TV9 Marathi (@TV9Marathi) December 24, 2020
(To lose weight Include these foods in the diet)