Beauty Tips : गुलाबी त्वचेसाठी ‘हे’ नैसर्गिक उपाय नक्की ट्राय करा !

गुलाबी त्वचा

मुंबई : महिला त्वचेला चमकदार आणि गुलाबी बनविण्यासाठी अनेक महागडे उपचार करतात. परंतु या उपचारांचा परिणाम काही काळच दिसतो. जर आपल्याला देखील गालांना गुलाबी ठेवण्याचा नैसर्गिक मार्ग हवा असेल तर आम्ही काही खास टिप्स सांगणार आहोत. यासाठी तुम्हाला कोणतेही महागडे उत्पादन वापरण्याची गरज नाही. घरामध्ये असलेल्या काही वस्तुंच्या आधारे आपण गुलाबी त्वचा मिळू शकतात. (Try natural remedies for pink skin)

बीट
गुलाबी त्वचा मिळविण्यासाठी त्वचेवर बीटचा रस लावा आणि काही दिवसातच त्याचा परिणाम दिसून येईल. याशिवाय दररोज बीटचा रस पिला पाहिजे. बीटचा रस पौष्टिक असण्याबरोबरच त्वचेवर नैसर्गिक ब्लशसारखे कार्य करते. त्याशिवाय बीट बारीक करून त्यात अर्धा चमचा गुलाब पाणी घाला. दररोज हा फेस पॅक लावल्यास चेहर्‍यावरील काळे डाग आणि मुरूम जाण्यास मदत होते.

हळद
हळद आपल्या त्वचेसाठी खूप फायदेशीर आहे. बर्‍याच फेसपॅक आणि स्क्रबमध्ये हळदीचा वापर केला जातो. त्वचा गुलाबी ठेवण्यासाठी दही, बेसन पीठ आणि हळद पेस्ट घाला. ही पेस्ट लावल्याने चेहऱ्याची त्वचा सुधारण्यास मदत होते.

टोमॅटो
त्वचेला गुलाबी ठेवण्यासाठी रोज टोमॅटोचा रस प्या. हे आपल्या त्वचेला नैसर्गिकरित्या चमकण्यास मदत करते. याशिवाय हे त्वचेच्या अनेक समस्या दूर करण्यास मदत करते. जर आपली त्वचा कोरडी असेल तर दररोज टोमॅटोचा रस लावा.

गुलाबाच्या पाकळ्या
गुलाबी त्वचेसाठी थोडासा गुलाबाच्या पाकळ्या गालावर चोळा. हे आपले गाल नैसर्गिकरित्या गुलाबी दिसण्यासाठी मदत करतात. तसेच गुलाब पाणी चेहऱ्यावर लावल्याने त्वचा गुलाबी होते.

संत्र्याचा रस
संत्र्याच्या रसामध्ये व्हिटॅमिन सी मोठ्या प्रमाणात असते. यामुळे तुमची त्वचा चमकदार होते. आपली त्वचा चमकदार आणि फ्रेश ठेवण्यासाठी आपण संत्र्याच्या फेसपॅक चेहऱ्यावर लावू शकता.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Healthy Food For Typhoid | टायफॉइड तापात  ‘या’ 5 गोष्टींचे सेवन ठरेल लाभदायी

चहा-कॉफी की बियर-वाईन, काय पिता तुम्ही… त्याचे फायदे-तोटे तुम्हाला माहिती आहे का?

(Try natural remedies for pink skin)