मोठी बातमी! राज्यात पुन्हा महाभूकंप होणार? शरद पवारांच्या भेटीनंतर एकनाथ शिंदे बड्या नेत्याला भेटले, गाडीतच 30 मिनिटं चर्चा

राजकीय वर्तुळात गेल्या काही दिवसांपासून वेगवान घडामोडी घडत असल्याचं पहायला मिळत आहे. राष्ट्रवादी काँग्रेस शरद पवार गटाचे अध्यक्ष शरद पवार यांनी तब्बल 34 वर्षांनी बुधवारी विधानभवनाला भेट दिली, यावेळी त्यांनी उपमुख्यमंत्री एकनाथ शिंदे यांची भेट घेतली, राज्यभरात या भेटीची चर्चा सुरू असताना आणि भेटीचे वेगवेगळे अर्थ लावले जात असतानाच आता मोठी बातमी समोर आली आहे. ती म्हणजे शरद पवार यांच्या भेटीनंतर आता एकनाथ शिंदे आणि भापचे प्रदेशाध्यक्ष रवींद्र चव्हाण यांनी एकाच वाहनातून प्रवास केला आहे. समोर आलेल्या माहितीनुसार दोन्ही नेत्यांमध्ये यावेळी तब्बल 30 मिनिटं वेगवेगळ्या विषयावर चर्चा झाली. या भेटीमुळे राजकीय वर्तुळात चर्चेला उधाण आलं आहे. बुधवारी शरद पवार यांनी एकनाथ शिंदे यांची भेट घेतली होती, त्यानंतर आता शिंदे यांनी रवींद्र चव्हाण यांची भेट घेतली आहे, पवार यांच्या भेटीच्या पार्श्वभूमीवर ही भेट महत्त्वाची मानली जात आहे.

समोर आलेल्या माहितीनुसार एकनाथ शिंदे आणि रवींद्र चव्हाण यांनी एकाच वाहनातून प्रवास केला आहे.यावेळी दोन्ही नेत्यांमध्ये तब्बल 30 मिनिटं राजकीय घडामोडींवर चर्चा झाल्याची माहिती समोर येत आहे. बुधवारी शरद पवार यांनी एकनाथ शिंदे यांची भेट घेतल्यानंतर  आज रविंद्र चव्हाण यांच्यासोबत एकनाथ शिंदे यांनी  एकत्र प्रवास केल्याने  मोठ्या राजकीय घडामोडी घडणार असल्याची चर्चा राजकीय वर्तुळात सुरू आहे. ठाणे , नवी मुंबई, डोंबवली , पालघर आणि विविध राजकीय विषयावर दोन्ही नेत्यांमध्ये यावेळी 30 ते 40 मिनिटं चर्चा झाल्याची माहिती समोर येत आहे.

शरद पवारांनी घेतली शिंदेंची भेट 

दरम्यान त्यापूर्वी बुधवारी शरद पवार यांनी तब्बल 34 वर्षांनी विधानभवनाला भेट दिली, यावेळी त्यांनी उपमुख्यमंत्री एकनाथ शिंदे यांची भेट घेतली. या भेटीवरून आता राजकीय वर्तुळात चर्चेला उधाण आलं आहे. या भेटीवर शिवसेना ठाकरे गटाकडून नाराजी व्यक्त करण्यात आली आहे. मात्र या भेटीमागे कोणतंही राजकारण नाही, असं राष्ट्रवादी शरद पवार गटाच्या वतीने स्पष्ट करण्यात आलं आहे.