Amravati Crime | दारू पकडण्यासाठी गेलेल्या पोलिसाची हत्या प्रकरण; मांजरखेड येथील दोन आरोपींना जन्मठेप
अवैध विक्री करणारी दारू पकडणे हे पोलिसांचं काम. अवैध दारुविक्री का पकडली म्हणून दारुविक्रेत्यांनी पोलिसांवरच हल्ला केला होता. यात एक पोलीस कर्मचारी ठार झाला. याप्रकरणी दोन आरोपींना जन्मपेठेची शिक्षा सुनावण्यात आली.
अमरावती : अमरावती जिल्ह्यातील चांदूररेल्वे पोलीस स्टेशनच्या (Chandur Railway Police Station) अंतर्गत ही घटना घडली होती. एका पोलीस कर्मचाऱ्याची हत्या करणाऱ्या दोन आरोपींना अमरावती जिल्हा व सत्र न्यायालयाने (Amravati District and Sessions Court) जन्मठेपेची शिक्षा सुनावली. तसेच प्रत्येकी 30 हजार रुपये दंड ठोठावला. चांदुररेल्वे पोलीस स्टेशनचे कर्मचारी सतीश नाईक (Satish Naik) हे 2018 मध्ये मांजरखेड येथे गेले होते. तिथं दारू पकड मोहिमेअंतर्गत कारवाई करत होते. दारू विक्रेते उमेश राठोड व अजय राठोड यांनी पोलीस कर्मचाऱ्यांवर हल्ला केला. यात सतीश नाईक यांची निर्घृण हत्या केली होती. प्रकरण पोलिसांत पोहचले. पोलिसांनी आरोपींविरुद्ध गुन्हा दाखल केला. तपासानंतर दोन्ही आरोपींविरुद्ध गुन्हा सिद्ध झाला. दरम्यान, या प्रकरणी आता जिल्हा व सत्र न्यायालयाने महत्त्वपूर्ण निर्णय दिला.
काय आहे प्रकरण
अमरावती जिल्ह्यातील चांदुर रेल्वे येथे दोन पोलीस कर्मचाऱ्यांवर जीवघेणा हल्ला करण्यात आला. मे 2018 मध्ये घडली होती. या हल्लात एक पोलीस कर्मचाऱ्याचा मृत्यू झाला. तर दुसरा पोलीस कर्मचारी जखमी होता. मांजरखेड येथील तांडा परिसरात पोलिसांवर हल्ल्याची घटना घडली होती. गावठी दारू पकडण्यासाठी पोलीस कर्मचारी गेले होते. दारूविक्रेत्यांनी पोलिसांवरच हल्ला केला. त्यानंतर पोलिसांचा फौजफाटा घटनास्थळी पोहचला. आरोपींना अटक करण्यात आली. दोन आरोपी दोषी आढळले. त्यांना जिल्हा व सत्र न्यायालयाने शिक्षा सुनावली. आता जन्मभर उमेश राठोड व अजय राठोड या दारुविक्रेत्या आरोपींना जेल भोगावी लागणार आहे.
