भिवंडी: भाजपला दिवसभरात दोन मोठे धक्के बसले आहेत. भाजपनं जळगाव महानगरपालिकेतील सत्ता गमावली. तिथे भाजपच्या नगरसेवकांनी बंडखोरी केल्यामुळे भाजपला फटका बसला. जळगाव महानगरपालिकेच्या महापौर निवडणुकीत शिवसेनेच्या जयश्री महाजन विजयी झाल्या. दुसरीकडे भिवंडी महानगरपालिकेतही भाजपला दणका बसला आहे. भिवंडी पालिका सभागृह नेतेपदी विकास निकम यांनी पदभार स्वीकारला. भिंवडीमधील सत्ताधारी कोणार्क विकास आघाडीनं भाजपाला दणका दिला आहे. (Bhivandi Konark Vikas Aghadi Vikas Nikam is house leader of Corporation BJP losses Post)
भिवंडी महानगरपालिका सभागृह नेते पदी महापौरांनी पुन्हा एकदा दिलेलं सभागृह नेते पद स्वीकारण्यास भाजपने नकार दिला. त्यामुशळे महापौरांनी अवघ्या पाच दिवसात आपला निर्णय बदलून कोणार्क विकास आघाडीमधील विकास निकम यांच्या नियुक्तीची घोषणा केली. मोठे शक्तिप्रदर्शन करत विकास निकम यांनी महापौर प्रतिभा पाटील कोणार्क विकास आघाडीचे प्रमुख विलास पाटील यांसह नगरसेवक यांच्या उपस्थितीत सभागृह नेतेपदाचा पदभार कार्यालयात स्वीकारला. या निमित्त मोठे शक्तिप्रदर्शन कोणार्क विकास आघाडीने केले आहे .
भिवंडी महानगरपालिका सभागृहात सत्तेत असलेल्या अवघ्या चार सदस्य असलेल्या कोणार्क विकास आघाडीस भाजपा 20 , बँडखोर काँग्रेस सदस्य 18 व अपक्ष 7 नगरसेवकांनी समर्थन दिले होते. त्यामध्ये सभागृह नेते पद भाजपच्या वाट्याला आल्या नंतर महापौर प्रतिभा पाटील यांनी भाजपाचे शाम अग्रवाल यांची नियुक्ती 16 डिसेंबर रोजी सभागृह नेतेपदी केली.परंतु त्या नंतर शाम अग्रवाल यांनी एका सार्वजनिक कार्यक्रमा दरम्यान महापौरां बद्दल अपशब्द वापरून अपमान केल्याने महापौरांनी ही बाब भाजपा पक्ष पदाधिकारी व गटनेते याना कळवून 12 मार्च च्या ऑनलाईन महासभेत शाम अग्रवाल यांची गच्छंती केली.
महापौर प्रतिभा पाटील यांनी भाजपच्याच नगरसेविका कमिनी पाटील यांची नियुक्ती केली होती.परंतु, त्यांनी पद स्वीकारण्यास नकार देत शाम अग्रवाल यांच्या नावाचा आग्रह धरल्याने 16 मार्च रोजी च्या विशेष अर्थसंकल्पीय महासभेत कोणार्क विकास आघाडी गटातील आरपीआय एकतावादी पक्षाचे प्रदेशाध्यक्ष विकास निकम यांची नियुक्ती 16 मार्च रोजी केली.
West Bengal Election 2021 : सोनारपुरात भाजप कार्यकर्त्याची हत्या, घाटालमध्ये उमेदवाराला बुटाने मारहाण! https://t.co/7JiUFToyux @dpradhanbjp @narendramodi @BJP4Bengal @BJP4India @AITCofficial @MamataOfficial #WestBengalElection2021 #WestBengal #BJP #TMC #AttackonBJPWorkers
— TV9 Marathi (@TV9Marathi) March 18, 2021
संबंधित बातम्या
ईडी भाजपला संपविल्याशिवाय राहणार नाही; धनंजय मुंडेंचा हल्लाबोल
“मतदारांनी भाजपला जागा दाखवली, कुठलीही पालिका निवडणूक लढवा, पराभव निश्चित”
(Bhivandi Konark Vikas Aghadi Vikas Nikam is house leader of Corporation BJP losses Post)