निदा खान हिला आश्रय देणाऱ्या मतीन पटेल यांच्या घर आणि कार्यालयावर बुलडोझर ?

नाशिकच्या TCS कंपनीतील धर्मांतर प्रकरणातील मुख्य सूत्रधार निदा खान हीला आश्रय देणाऱ्या एमआयएमचे (AIMIM) नगरसेवक मतीन पटेल यांच्यावरही सहआरोपी म्हणून कारवाई करण्यात येत आहे.या प्रकरणात निदा खान हिला पोलिसांनी छत्रपती संभाजीनगरमधून २५ दिवसांनंतर अटक केली होती. गेल्या अनेक दिवसांपासून निदा खान पोलिसांना चकवा देत होती. त्यानंतर पोलीस विशेष पथकाने संयुक्त कारवाई करून तिला अटक केली. या प्रकरणात आता तिला आश्रय देणाऱ्या एमआयएमचे नगरसेवक यांच्या घरावर आणि कार्यालयावर पालिकेने कारवाईची नोटिस चिकटवली आहे. त्यामुळे त्यांच्या घर आणि कार्यालयावर बुलडोझर फिरणार का ? असा सवाल केला जात आहे.

नाशिक येथील TCS बीपीओ कार्यालयातील कथित लैंगिक छळ आणि सक्तीचे धर्मांतर प्रकरण सध्या राज्यात गाजत आहे. या प्रकरणातील प्रमुख सूत्रधार म्हणून निदा खान ही गेल्या अनेक दिवस फरार होती.या प्रकरणातील मुख्य आरोपी निदा खान (Nida Khan) हिचा अटकपूर्व जामीन अर्ज नाशिक सत्र न्यायालयाने नुकताच (२ मे २०२६) फेटाळून लावला होता. या प्रकरणात निदा खान हिला छत्रपती संभाजीनगरमधून पोलीसांच्या विशेष पथकाने संयुक्त कारवाई करून अटक केली.या प्रकरणात निदा खान हीला आश्रय देणारे एमआयएम ( AIMIM ) नगरसेवक मतीन पटेल यांच्यावरही सहआरोपी म्हणून कारवाई करण्यात येत आहे. निदा खान फरार असताना एमआयएमचे नगरसेवक मतीन पटेल यांनी तिला आश्रय दिला होता.

बुलडोझर फिरणार का ?

निदा खान हीला आश्रय देणाऱ्या नगरसेवक मतीन पटेल याच्यावर गुन्हा दाखल झाला आहे. मतीन यांच्या ऑफिस आणि घरावरही कारवाई होणार आहे असे म्हटले जात आहे. कारण मतीन यांच्या घरावर आणि कार्यालयावर छत्रपती संभाजीनगर महापालिकेने नोटीस चिटकवली आहे. नगरसेवक मतीन पटेल यांनी या नोटीसला तीन दिवसात समाधानकारक उत्तर न दिल्यास आता मातीन याच्या घरावर बुलडोझर फिरणार असल्याचे म्हटले जात आहे. त्यामुळे आता मतीन पटेल यांच्या घरावर उत्तर प्रदेश प्रमाणे बुलडोझर फिरणार का ? याकडे लक्ष लागले आहे.