अलर्ट! भोंदू अशोक खरात याचा व्हिडीओ शेअर करत आहात? थेट होणार जेल, तब्बल 74 लोकांवर..

नाशिकचा भोंदूबाबा अशोक खरात याचे धक्कादायक कारनामे पुढे येत आहेत. अनेक अधिकारी आणि राज्यातील बड्या नेत्यांच्या संपर्कात भोंदूबाबा होता. हेच नाही तर त्याचे काही फोटोही व्हायरल झाली आहेत. महिला आयोगाच्या माजी अध्यक्षा रूपाली चाकणकर थेट भोंदूचे पाय धुताना दिसल्या. रूपाली चाकणकर यांनी व्हायरल होणाऱ्या फोटोंनंतर आपल्या पदाचा राजीनामा दिला. भोंदू अशोक खरात याचे पाय चांगलेच खोलात असल्याचे अगोदरपासूनच स्पष्ट होत आहे. काही धक्कादायक व्हिडीओ पुढे येत आहेत. आपल्या कार्यालयातच हा भोंदूबाबा महिलांवर अत्याचार करत होता. एका मागून एक पुढे येणाऱ्या व्हिडीओंमुळे खळबळ उडाली. या बाबाने अनेक महिलांवर लैगिंक अत्याचार केले, ही वस्तुस्थिती आहे. महिलांची संख्या हजारांवर आहे. पण अशोक खरात विरोधात लेखी तक्रार देण्याकरिता पुढे येणाऱ्यांची संख्या खूपच कमी आहे. हेल्पलाईन नंबरवर महिला तक्रारी करत आहेत, पण लेखी तक्रार किंवा गुन्हा नको म्हणताना दिसत आहेत.

यादरम्यान नाशिक पोलिस चांगलेच अॅक्शन मोडवर असून भोंदूबाबा अशोक खरात प्रकरणात पीडित महिलांचे व्हिडिओ व्हायरल करणाऱ्यांचा विरोधात मोठी कारवाई केली जात आहे. सतत भोंदू अशोक खरात आणि पीडित महिलांचे व्हिडीओ सोशल मीडियावर व्हायरल होत आहेत. त्यापैकी असे बरेच व्हिडीओ आहेत, ज्यामध्ये पीडित महिलांचा चेहरा स्पष्टपणे दिसत आहे.

आता या प्रकरणात भोंदू अशोक खरात याचे व्हिडीओ व्हायरल करणाऱ्या 74 हुन अधिक लोकांवर गुन्हे दाखल करण्यात आले. नाशिकसह वेगवेगळ्या ठिकाणी हे गुन्हे दाखल करण्यात आले. व्हिडिओ व्हायरल करण्यासंदर्भात कदाचित महाराष्ट्रात पहिल्यांदाच इतकी मोठी कारवाई असावी. अशोक खरात प्रकरणातील महिलांचे आक्षेपार्ह व्हिडिओ सोशल मीडियावर शेअर करणे महागात पडत आहे.

नाशिक शहरात फेसबुक आणि इंस्टाग्रामच्या 65 प्रोफाईल धारकांविरोधात गुन्हे दाखल करण्यात आला. यासोबतच नगर, कोपरगाव यासह विविध भागात ही गुन्हे दाखल करण्यात आली. आक्षेपार्ह व्हिडिओ कोणीही व्हायरल करू नका, असे आवाहन नाशिक पोलिसांकडून केले जात आहे. मात्र, व्हायरल झालेल्या व्हिडीओमुळे पोलिसांचीही डोकेदुखी वाढली आहे.