Snake Video : सांगलीच्या आटपाडी तालुक्यात आढळला दुर्मीळ पोवळा साप, जाणून घ्या ‘या’ सापाविषयी…
सांगलीच्या आटपाडी तालुक्यातील माडगुळे येथील खंडोबामळा येथे दुर्मीळ जातीचा व विषारी पोवळा साप आढळला आहे. विभुते यांनी या सापाला पुन्हा नैसर्गिक अधिवासात सोडले आहे.
सांगली : सांगलीच्या (Sangali) आटपाडी (Aatpadi) तालुक्यातील माडगुळे (Madgule) येथील खंडोबामळा (Khandobamala) येथे दुर्मीळ जातीचा व विषारी पोवळा साप आढळला आहे. श्रीमंत बाबासाहेब देशमुख महाविद्यालयाचे (Shrimant Babasaheb Deshmukh College) प्राणीशास्त्र विभागप्रमुख व सर्पतज्ज्ञ प्रा डॉ. शिवाजी विभुते (Shivaji Vibhute) यांच्या दृष्टीस हा साप पडला. या सापाचे इंग्रजी नाव स्लेंडर कोरल स्नेक (Castoes Coral Snake) म्हणजेच पोवळा साप आहे. याचे शास्त्रीय नाव कॅलोफिस मेल्यान्युरस आहे.
सांगलीच्या आटपाडी तालुक्यातील माडगुळे येथील खंडोबामळा येथे दुर्मीळ जातीचा व विषारी पोवळा साप आढळला आहे. विभुते यांनी या सापाला पुन्हा नैसर्गिक अधिवासात सोडले आहे. हा अतिशय दुर्मिळ साप आहे. त्यामुळे आटपाडीत आढळेलेल्या या सापाला पाहण्यासाठी बघ्यांची गर्दी झाली होती.
सांगलीच्या आटपाडी तालुक्यातील माडगुळेत आढळला दुर्मीळ पोवळा साप pic.twitter.com/NTwBuUjWmr
— TV9 Marathi (@TV9Marathi) April 18, 2022
हा साप एकदम निमुळता आहे. तो 22 इंचापर्यंत लांब वाढतो. सापाचा रंग मातकट असून डोके काळे व डोक्यावर पांढरे ठिपके आहेत. शेपटीला दोन काळ्या रंगाच्या रिंगा आहेत. पोटाकडील बाजूस लालसर व शेपटीखाली निळसर राखाडी रंग आहे. या सापाला डिवचल्यास तो लक्ष डोक्याकडून विचलित करण्यासाठी शेपटीच विटोळे घालतो. या जातीच्या सापाची नोंद गुजरात , महाराष्ट्र , कर्नाटक , केरळ , तामिळनाडू , गोवा , पश्चिम बंगाल या राज्यात आणि बांगलादेश व श्रीलंका या देशात झालेली आहे. हा साप विषारी आहे. याचे विष मज्जासंस्थेवर परिणाम करते.
विषारी प्रजातींमध्ये मोडला जाणारा हा साप फारसा दृष्टीस पडत नाही. वरून बघितल्यानंतर मण्यारसारखा दिसणारा हा साप पोटा खालून पूर्णपणे भगवा असतो. त्याचा भगवा रंग हा तो जहाल विषारी असल्याचे घातक मानले जाते. दगडाखाली आणि पालापाचोळ्याखाली हा साप नेहमी राहतो. त्याचे भक्ष्य छोटे बेडूक, सरडे, पाली, गांडूळ इत्यादी आहे. साधारणपणे दोन ते अडीच फुटापर्यंत या सापाची लांबी असते. याच्या बरोबर डोक्यावर भगवी जाड रेषा असते. हा साप घाबरला तर आपली शेपटी गोल करून ती जमिनीवर आपटून आपल्या जवळ येऊ नका असा इशारा देत असतो.
काही दिवसांआधी असाच साप सिंधुदुर्गातील वेंगुर्ल्यातील तुळसगावात आढळला होता.
संबंधित बातम्या
Viral Video : सिंहाकडून हरणाची शिकार, नेटकऱ्यांकडून कौतुक, म्हणाले, “सर्वात चपळ शिकारी!”
Video : मिर्चीनंतर आता इडली आईस्क्रीम!, नेटकरी म्हणतात, “आमच्या आईस्क्रीमसोबत खेळणं बंद करा…”
गुणरत्न सदावर्तेंच्या घरी पाळीव गाढव, सदावर्तेंच्या प्रत्येक आनंदात सहभागी होणाऱ्या ‘मॅक्स’ची गोष्ट
