नारायण राणे लिहतात, माननीय श्री. उद्धव ठाकरे जी….
केंद्रीय मंत्री नारायण राणे यांनी मुख्यमंत्री उद्धव ठाकरे यांना पत्र लिहलं आहे. त्यांनी या पत्रात सिंधुदुर्ग जिल्ह्यासाठी रुग्णवाहिकेची गरज असल्याचं म्हटलं आहे. राणे यांनी जिल्ह्यातील 06 प्राथमिक आरोग्य केंद्रांसाठी रुग्णवाहिका पुरवण्याची मागणी केलीय.
मुंबई : केंद्रीय मंत्री नारायण राणे यांनी मुख्यमंत्री उद्धव ठाकरे यांना पत्र लिहलं आहे. त्यांनी या पत्रात सिंधुदुर्ग जिल्ह्यासाठी रुग्णवाहिकेची गरज असल्याचं म्हटलं आहे. राणे यांनी जिल्ह्यातील 06 प्राथमिक आरोग्य केंद्रांसाठी रुग्णवाहिका पुरवण्याची मागणी केलीय. राणे यांनी हे पत्र 29 सप्टेंबर रोजी लिहलं आहे.
रुग्णावाहिकेच्या प्रस्तावावर कार्यवाही करा
नारायण राणे आणि उद्धव ठाकरे यांच्यातील राजकीय वाद सर्वांनाच माहिती आहे. राणे कुटुंबीय ठाकरे तसेच महाविकास आघाडी सरकारवर टीका करण्याची एकही संधी सोडत नाहीत. मात्र, यावेळी नारायण राणे यांनी मुख्यमंत्र्यांना माननीय म्हणत 29 सप्टेंबर रोजी एक पत्र लिहलं आहे. या पत्रात त्यांनी सिंधुदुर्ग जिल्ह्यासाठी 06 रुग्णवाहिकांची मागणी केली आहे. “38 प्राथमिक आरोग्य केंद्र असून 29 प्राथमिक आरोग्य केंद्रात एम्ब्युलेन्स ची सुविधा उपलब्ध आहे मात्र उर्वरित 6 प्राथमिक आरोग्य केंद्रा साठी 13 व्या आणि 14 व्या वित्त आयोगाने उपलब्ध करून दिलेला निधीतून मिळालेल्या व्याजेच्या रकमेतून 6 एम्ब्युलेन्स खरेदी करण्याची परवानगी ग्राम विकास विभागाने द्यावी,” अशी मागणी राणे यांनी या पत्रात केली आहे.
नारायण राणे यांच्या पत्रात काय?
नारायण राणे यांनी मुख्यमंत्री उद्धव ठाकरे यांना जिल्हा परिषद अध्यक्षा, सिंधुदुर्ग यांच्याकडून प्राप्त झालेल्या निवेदनाच्या आधारे पत्र लिहिलं आहे. जिल्हा परिषद सिंधुदुर्गने 13 वा वित्त आयोगांतर्गत प्राप्त अखर्चित निधी तसेच 14 वा वित्त आयोगांतर्गत प्राप्त निधीच्या व्याजाची रक्कम रुपये 89 लाख 91 हजार 951 रुपये इतकी रक्कम शासन आदेशान्वये राज्य प्रकल्प संचालक, राष्ट्रीय ग्राम स्वराज्य अभियान, पुणे यांचे खात्यामध्ये वर्ग केलेली आहे, असा उल्लेख राणें यांच्या पत्रात आहे.
सिंधुदुर्ग जिल्ह्यामध्ये आरोग्य सेवेची गरज पाहता व सद्यस्थितीत कोविड-19 चा प्रादुर्भाव पाहता जिल्ह्यातील 38 प्राथमिक केंद्रांपैकी 29 प्राथमिक आरोग्य केंद्रांकडे रुग्णवाहिका आहे. तर, 6 प्राथमिक केंद्रासाठी 13 व्या आणि 14 व्या वित्त आयोगाने उपलब्ध करुन दिलेल्या निधीतू मिळणाऱ्या व्याजातून 6 अॅम्बुलन्स खरेदीची परवानगी ग्रामविकास विभागाकडून देण्यात यावी, अशी मागणी नारायण राणे यांनी केली आहे.
जिल्हा परिषद रायगड, सांगली, सातारा, कोल्हापूर या जिल्हा परिषदांनी सदर योजनांमधील निधीतून रुग्णवाहिका खरेदी केलेल्या आहेत. मात्र जिल्हा परिषद, सिंधुदुर्गचा प्रस्ताव उपरोक्त कार्यालयाकडे अद्यापी प्रलंबित आहे. या संदर्भात जिल्हा परिषद, सिंधुदुर्ग यांनी आपल्या विभागाकडे पाठविलेल्या प्रस्तावावर योग्य ती कार्यवाही करावी, अशी विनंती नारायण राणे यांनी मुख्यमंत्री उद्धव ठाकरे यांना केली आहे.
इतर बातम्या :
MPSC कडे रिक्त पदांची माहिती देण्याची डेडलाईन हुकली, सरकारी विभागांची धावपळ सुरु
मोबाईलवर गेम खेळतो म्हणून घरातल्यांनी हटकलं, रागात आई-वडिलांचा विचार न करता त्याची विहिरीत उडी
Video | गोवा निवडणूक लढवण्याचा निर्णय घेऊन संजय राऊतांनी पक्षाची इभ्रत घालवली, Pravin Darekar यांचा घणाघात@mipravindarekar #PravinDarekar #SanjayRaut #GoaElection #ShivSena #BJP
अन्य बातम्या, व्हिडीओ पाहा – https://t.co/BV9be230nv pic.twitter.com/FaYj4fqqr3
— TV9 Marathi (@TV9Marathi) September 30, 2021
(central minister narayan rane write letter to cm uddhav thackeray demanding ambulance for sindhudurg district)
