Satej Patil News: थेट दिल्लीतून आदेश… ‘गोकुळ’ गाजवणाऱ्या सतेज पाटलांकडे मोठी जबाबदारी!
गोकुळच्या निवडणुकीनंतर घडलेल्या नाट्यमय घडामोडींमुळे सत्ता येऊनही अध्यक्षपद महायुतीकडे गेले. परंतु, या राजकीय राड्यामध्ये सतेज पाटील यांच्या एकाकी लढ्याची गल्ली ते दिल्ली सर्वत्र चर्चा झाली. गोकुळची निवडणूक गाजवल्यानंतर चर्चेत आलेल्या सतेज पाटील यांच्यावर आता काँग्रेस पक्षश्रेष्ठींनी अत्यंत महत्त्वाची जबाबदारी दिली आहे.

Satej Patil News: नुकतीच गोकुळ दूध संघाची निवडणूक पार पडली. या निवडणुकीत काँग्रेस नेते सतेज पाटील यांनी महायुतीला धक्का देत सत्ता मिळवली. मात्र निवडणुकीनंतर घडलेल्या नाट्यमय घडामोडींमुळे सत्ता येऊनही अध्यक्षपद महायुतीकडे गेले. परंतु, या राजकीय राड्यामध्ये सतेज पाटील यांच्या एकाकी लढ्याची गल्ली ते दिल्ली सर्वत्र चर्चा झाली. गोकुळची निवडणूक गाजवल्यानंतर चर्चेत आलेल्या सतेज पाटील यांच्यावर आता काँग्रेस पक्षश्रेष्ठींनी अत्यंत महत्त्वाची जबाबदारी दिली आहे.
काँग्रेसकडून सतेज पाटलांना मोठी जबाबदारी!
याबाबत सविस्तर वृत्त असे की, काँग्रेसचे महाराष्ट्रातील प्रमुख नेते, विधान परिषदेचे आमदार सतेज उर्फ बंटी पाटील यांच्यकडे काँग्रेस पक्षाने मोठी जबाबदारी दिली आहे. आगामी गोवा विधानसभा निवडणुकांसाठी अखिल भारतीय काँग्रेसने कमिटीने स्क्रीनिंग कमिटी स्थापन केली आहे. या कमिटीमध्ये सतेज पाटील यांनाही स्थान देण्यात आहे.
राष्ट्रीय काँग्रेसचे अध्यक्ष मल्लिकार्जुन खरगे यांच्या निर्देशानुसार पक्षाचे सरचिटणीस के.सी. वेणुगोपाल यांनी याबाबतचे प्रसिद्धीपत्रक जारी केले आहे. गोवा विधानसभा स्थापन केलेल्या या स्क्रीनिंग कमिटीच्या अध्यक्षपदी के. जे. जॉर्ज यांची नियुक्ती करण्यात आली असून सतेज पाटील यांच्यासह खासदार शफी परंबिल यांनाही सदस्य म्हणून स्थान देण्यात आले आहे.
या समितीच्या माध्यमातून सतेज पाटील यांची गोवा विधानसभा निवडणुकीत उमेदवारांची छाननी आणि निवड प्रक्रियेत महत्त्वाची भूमिका असणार आहे. उमेदवारांची लोकप्रियता, संघटनात्मक ताकद तसेच निवडणुकीबाबतची तयारी याबाबत ही समिती काम करणार असून यामाध्यमातूनच उमेदवार निवडले जाणार आहेत. या निवडीबद्दल सतेज उर्फ बंटी पाटील यांनी काँग्रेसचे राष्ट्रीय अध्यक्ष मल्लिकार्जुन खरगे, लोकसभेचे विरोधी पक्षनेते राहुल गांधी, पक्षाचे सरचिटणीस के. सी. वेणुगोपाल यांचे आभार मानले आहेत.
Grateful to Congress President Shri @kharge ji, Leader of Opposition Shri @RahulGandhi ji, AICC General Secretary Shri @kcvenugopalmp ji and the entire party leadership for entrusting me with the responsibility of being a member of the screening committee for the upcoming Goa Assembly elections along with Shri @thekjgeorge ji and Shri @shafi_parambil_ ji.
Together with our @INCGoa workers, we will work to field strong candidates rooted in the people and win the elections in Goa.
@INCIndia
— Satej (Bunty) D. Patil (@satejp) November 17, 2026
गोकुळमध्ये एकाकी लढा!
दरम्यान, गोकुळ दूध संघाच्या निवडणुकीत काँग्रेस नेते सतेज पाटील यांनी बलाढ्य महायुतीविरोधात एकाकी लढा दिला. महायुतीसाठी निवडणूक एकतर्फी वाटत असताना सतेज पाटील यांनी मैदानात उतरत 13 संचालक निवडून आणले. सतेज पाटील यांच्याकडे 12विरुद्ध 12 अशी विजयी आघाडी होती, मात्र सरकारने चार स्विकृत सदस्यांची नेमणूक करत गोकुळवर सत्ता मिळवली. अध्यक्षांच्या निवडणुकीत 16 मते मिळवत राजेंद्र पाटील हे नवे चेअरमन म्हणून नियुक्त झाले.
