Dhule Theft : धुळ्यातील कापडणे यात्रोत्सवात चोरी, 10 ते 11 महिलांच्या गळ्यातील सोनपोत लंपास

धुळ्यातील कापडणे यात्रोत्सवात चोरी

Image Credit source: TV9

धुळे : यात्रा उत्सवात आलेल्या 10 ते 111 महिलांच्या गळ्यातील सोनपोत चोरट्यांनी लंपास केल्याची घटना धुळ्यात उघडकीस आली आहे. विशेष म्हणजे ही चोरी (Theft) करणारे सर्व आरोपी अल्पवयीन मुले (Minor Accussed) आहेत. ग्रामस्थांनी मोठ्या शिताफीने या बालगुन्हेगारांना पकडून सोनगीर पोलिसांच्या स्वाधीन केले. याप्रकरणी सोनगीर पोलिस ठाण्यात चोरीचा गुन्हा दाखल करण्यात आला आहे. पाच महिलांनी पोलिसात याबाबत तक्रार दाखल केली. तर उर्वरीत महिलांनी घरच्या लोकांच्या भीतीने गुन्हा दाखल करण्यास असमर्थता दर्शवली. (Dhule cloth theft during pilgrimage, theft of Mangalsutra of 10 to 11 women)

चोरी प्रकरणी अल्पवयीन चोरटे अटक

कापडणे गावची ग्रामदेवता भवानी मातेचा यात्रोत्सव सुरु आहे. मात्र या यात्रोत्सवाला सोन साखळी चोरांचे ग्रहण लागले. यात्रोत्सवात आलेल्या साधारण 10 ते 11 महिलांचे 5 तोळे सोने असा एकूण 2 लाख रुपये किंमतीचा ऐवज अल्पवयीन सराईत चोरट्यांच्या टोळीने लंपास केला. या प्रकाराने अनेक माहेरवाशिनी आणि सासरवाशिनी महिला वर्गात भीतीचे वातावरण पसरले आहे. साधारणतः 10 ते 11 महिलांचे सोनसाखळी लंपास झालेली आहे. सासरच्या मंडळीला घाबरून काही महिलांनी गुन्हा दाखल करण्यास असमर्थता दाखवली तर उर्वरित पाच महिलांनी सोनगीर पोलीस ठाण्यात चोरीचा गुन्हा दाखल केला आहे.

पुण्यातील दुचाकी चोरी करणाऱ्या टोळीचा पर्दाफाश

पुण्यातील खेड पोलीस स्टेशनच्या गुन्हे शोध पथकाने दुचाकी चोरी करणाऱ्या टोळीचा पर्दाफाश केला आहे. यामधे 9 मोटारसायकलसह दोन लाख 90 हजारांचा मुद्देमाल जप्त केला आहे. यामधे 7 गुन्ह्याची उकल पोलिसांनी केली असून 3 आरोपींना अटक करण्यात आले आहे. त्यांच्याकडून खेड, शिक्रापूर, चाकण, आळंदी, वडगाव मावळ व इतर ठिकाणाहून चोरी केलेल्या एकूण 9 मोटारसायकली जप्त करण्यात आल्या आहेत. (Dhule cloth theft during pilgrimage, theft of Mangalsutra of 10 to 11 women)