Video : ओव्हरटेकच्या नादात लक्झरी बसची फलकासह आजोबांना धडक, घटना सीसीटीव्ही कॅमेरात कैद

ओव्हरटेकच्या नादात लक्झरी बसची फलकासह आजोबांना धडक

धुळे : शिरपूर तालुक्यातील विखरण गावात शिरपूर शहादा रस्त्यावर ओव्हरटेक (Overtake) करण्याच्या नादामध्ये वाहनावरील नियंत्रण सुटल्याने लक्झरी बस (Luxury Bus) चालकाकडून थेट रस्त्याच्या कडेला असलेल्या दिशादर्शक फलकावरच वाहन धडकले. त्यामध्ये दिशादर्शक फलकाजवळ उभ्या असलेल्या 65 वर्षीय आजोबांना देखील वाहनाची धडक बसली. यामध्ये 65 वर्षीय आजोबा गंभीररित्या जखमी झाले आहेत. या घटनेचा सर्व चित्तथरारक करणारा व्हिडिओ सीसीटीव्ही कॅमेरामध्ये कैद झाला आहे. (Luxury bus hits a person with a banner while overtaking)

ओव्हरटेक करण्याच्या नादात लक्झरी बसची फलकाला धडक

शहादाकडून शिरपूरच्या दिशेने निघालेल्या लक्झरी बसने समोर चालणाऱ्या डम्परला ओव्हरटेक करण्याच्या नादामध्ये रस्त्याच्या कडेला असलेल्या दिशादर्शक फलकालाच वाहन ठोकल्याचा प्रकार उघडकीस आला आहे. यामध्ये फलकाजवळ उभे असलेले 65 वर्षीय आजोबांना देखील या वाहनाचा मोठ्या प्रमाणात फटका बसला असून त्यामध्ये आजोबा गंभीररीत्या जखमी झाले आहेत. परिसरातील नागरिकांनी तात्काळ अपघातग्रस्त ठिकाणी धाव घेत आजोबांना उचलून उपचारासाठी शासकीय रुग्णालयामध्ये दाखल केले आहे. संबंधित वाहनचालक हा संधीचा फायदा उचलत घटनास्थळावरून पसार झाला असून त्याचा शोध पोलीस घेत आहेत. ही सर्व घटना बाजूला असलेल्या सीसीटीव्ही कॅमेरामध्ये कैद झाली आहे.

कर्नाटकांमध्ये बस अपघातात आठ जण मृत्यू

कर्नाटकमध्ये खाजगी बस पलटल्याने झालेल्या भीषण अपघातात आठ जणांचा मृत्यू झाला आहे. तर 20 प्रवासी गंभीर जखमी झाले आहेत. कर्नाटकातील तुमकुर जिल्ह्यात पावगडजवळ शनिवारी सकाळी खासगी बस उलटून अपघात झाला होता. अपघातानंतर काही प्रवासी बसमध्येच अडकून पडले होते. बस चालकाचे वाहनावरील नियंत्रण सुटल्याने हा अपघात घडल्याची प्राथमिक माहिती स्थानिक पोलिसांनी दिली. अपघात झाला त्यावेळी बसमध्ये 60 प्रवासी होते. (Luxury bus hits a person with a banner while overtaking)

इतर बातम्या

Kalyan Crime : कल्याण डोंबिवलीमधील “भाई” लोकांचा मुक्काम आता जेलमध्ये

Video – The Burning Truck | वाशिमकडे जाणाऱ्या ट्रकला भीषण आग, चालकाचा वाचला जीव