मोठी बातमी! आरोग्यदूत मंगेश चिवटेंचा पत्ता कट? पुण्याची जागा भाजपाच्या वाट्याला!
सध्या शिक्षक आणि पदवीधर मतदारसंघाच्या निवडणुकीचं बिगूल वाजलंय. आता जागावाटपावर खल सुरू आहे. महायुतीमध्ये कोणती जागा कोणाला द्यायची यासाठी प्रयत्न सुरू आहेत. दरम्यान, आता पुण्याच्या जागेवरून आग्रही असणाऱ्या मंगेश चिवटे यांचा पत्ता कट होण्याची शक्यता आहे.
Mangesh Chivte : सध्या शिक्षक आणि पदवीधर मतदारसंघाच्या निवडणुकीचं बिगूल वाजलंय. आता जागावाटपावर खल सुरू आहे. महायुतीमध्ये कोणती जागा कोणाला द्यायची यासाठी प्रयत्न सुरू आहेत. दरम्यान, आता पुण्याच्या जागेवरून आग्रही असणाऱ्या मंगेश चिवटे यांचा पत्ता कट होण्याची शक्यता आहे. पुण्याच्या शिक्षक मतदारसंघाच्या निवडणुकीत उतरण्यासाठी गेल्या अनेक दिवसांपासून ते तयारी करत होते. विशेष म्हणजे ही उमेदवारी मिळावी यासाठी त्यांच्या गाठीभेटीही चालू होत्या. परंतु आता ऐनवेळी त्यांना मोठा धक्का बसला आहे. ते ज्या पुण्याच्या जागेवरून लढण्यासाठी उत्सूक होते ती जागाच भाजपाच्या वाट्याला गेली आहे. त्यामुळे मंगेश चिवटे यांचा पत्ता कट होण्याची शक्यता निर्माण झाली आहे. उपमुख्यमंत्री एकनाथ शिंदे यांचे खास आणि विश्वासू मानले जातात.
महायुतीत नेमकं काय ठरलं?
मिळालेल्या माहितीनुसार भाजप प्रदेशाध्यक्ष रविंद्र चव्हाण यांच्याकडून उमेदवारांच्या नावांची यादी वरिष्ठ नेतृत्वाकडे सुपूर्द करण्यात आली आहे. राष्ट्रीय अध्यक्ष नितीन नवीन यांच्याकडे तीन जागांवरील 15 संभाव्य नावांची यादी सुपूर्द करण्यात आली आहे. प्रत्येक जागेसाठी 5 नावांचा पर्याय ठेवण्यात आलाय. पुणे पदवीधर, पुणे शिक्षक व नागपूर पदवीधर भाजप ही जागा भाजपा लढवण्याची शक्यता आहे. अमरावतीचा जागा शिवसेना पक्षाला तर संभाजीनगरची जागा राष्ट्रवादीच्या वाट्याला जाण्याची शक्यता आहे.
कोणती जागा कोणाला मिळाली?
दरम्यान, पुणे शिक्षक मतदारसंघावरून भाजप, शिवसेना व राष्ट्रवादीमध्ये रस्सीखेच सुरू होती. अखेर भाजपच पुणे शिक्षक लढणार असल्याचे महायुतीचे एकमत झाल्याचे सांगितले जात आहे. शिवसेना व राष्ट्रवादीमधील इच्छुकांची समजूत काढण्याचा प्रयत्न होणार आहे. पुण्याच्या जागेवरील संभाव्य नावेही चव्हाणांकडून नवीन यांकडे सुपूर्द करण्यात आली आहेत. त्यामुळे मंगेश चिवटे यांचा पत्ता कट झाला का? असे विचारले जातेय.
तरीही मंगेश चिवटे उमेदवारी अर्ज भरणार?
दरम्यान, पुण्याची शिक्षक मतदारसंघाची जागा भाजपाच्या वाट्याला जाणार असल्याचे बोलले जात असले तरीही मंगेश चिवटे हे आपला उमेदवारी अर्ज भरणार असल्याचे सांगितले जातेय. एकनाथ शिंदे यांना मंगेश चिवटे यांना उमेदवारी अर्ज दाखल करण्याच्या सूचना देण्यात आल्या आहेत. त्यामुळे आता नेमकं काय होणार, हे पाहणे महत्त्वाचे ठरणार आहे.
