Corona Update | राज्यात तीन दिवसात 25 हजारांपेक्षा जास्त नवे रुग्ण, बाधितांचा आकडा 3 लाखांच्या पार

मुंबई : महाराष्ट्रात गेल्या तीन दिवसात 25 हजारांपेक्षा जास्त नवे कोरोनाबाधित रुग्ण आढळले आहेत (Maharashtra Corona Update). विशेष म्हणजे गेल्या तीन दिवसांपासून दररोज 8 हजारांपेक्षा जास्त नव्या कोरोनाबाधितांची नोंद होत आहे. त्यामुळे महाराष्ट्रातील कोरोना रुग्णांचा आकडा 3 लाखांच्या पार गेला आहे. कोरोनावर मात करणाऱ्या रुग्णांची संख्या वाढत असली तरी नव्या कोरोनाबाधितांचा वाढता आकडा चिंतेची बाब आहे (Maharashtra Corona Update).

राज्यात शनिवारी (18 जुलै) दिवसभरात 8 हजार 348 नवे कोरोनाबाधित रुग्ण आढळले. त्यामुळे कोरोनाबाधितांचा आकडा 3 लाख 937 वर पोहोचला आहे. त्याआधी म्हणजे 17 जुलै रोजी 8 हजार 308 नवे रुग्ण आढळले होते. तर 16 जुलै रोजी राज्यात सर्वाधिक 8 हजार 614 नव्या रुग्णांची नोंद झाली होती.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

राज्यात शनिवारी दिवसभरात 5 हजार 306 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत 1 लाख 65 हजार 663 रुग्ण बरे झाले आहेत. तर 1 लाख 23 हजार 377 रुग्णांवर उपचार सुरु आहेत. राज्यातील रुग्ण बरे होण्याचं प्रमाण 55.50 टक्क्यांवर पोहोचलं आहे, अशी माहिती आरोग्यमंत्री राजेश टोपे यांनी दिली.

राज्यात शनिवारी दिवसभरात 144 रुग्णांचा कोरोनामुळे मृत्यू झाला. यामध्ये फक्त मुंबईतील 65 रुग्णांचा समावेश आहे. राज्यातील मृत्यूदर हा 3.85 टक्के एवढा आहे. राज्यात आतापर्यंत 11 हजार 596 रुग्णांचा कोरोनामुळे मृत्यू झाला आहे.

MahaFast News 100 | शंभर बातम्यांचा बुलेटच्या वेगाने आढावा, पाहा महाफास्ट न्यूज 100 न्यूज, दररोज टीव्ही 9 मराठीवर!

राज्यात आजपर्यंत पाठविण्यात आलेल्या 15 लाख 22 हजार 564 नमुन्यांपैकी 3 लाख 937 नमुने पॉझिटिव्ह (19.76 टक्के) आले आहेत. राज्यात 7 लाख 40 हजार 884 लोक होम क्वारंटाईनमध्ये आहेत. सध्या 45 हजार 552 लोक संस्थात्मक क्वारंटाईनमध्ये आहेत.

राज्यात आज 8348 कोरोना बाधीत रुग्णांची वाढ झाली व एकूण संख्या आता 300937 अशी झाली आहे. आज नवीन 5306 कोरोना बाधित रुग्ण बरे झाले आहेत. एकूण 165663 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 123377 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 18, 2020

राज्यात गेल्या 10 दिवसात किती रुग्ण वाढले?

• 8 जुलै 2020 – 6 हजार 603 रुग्ण
• 9 जुलै 2020 – 6 हजार 875 रुग्ण
• 10 जुलै 2020 – 7 हजार 862 रुग्ण
• 11 जुलै 2020 – 8 हजार 139 रुग्ण
• 12 जुलै 2020 – 7 हजार 827 रुग्ण
• 13 जुलै 2020 – 6 हजार 497 रुग्ण
• 14 जुलै 2020 – 6 हजार 741 रुग्ण
• 15 जुलै 2020 – 7 हजार 975 रुग्ण
• 16 जुलै 2020 – 8 हजार 614 रुग्ण
• 17  जुलै 2020 – 8 हजार 308 रुग्ण
• 18 जुलै 2020 – 8 हजार 348 रुग्ण

हेही वाचा : Corona Vaccine | कोरोनाच्या लसीचा फॉर्म्युला चोरण्यासाठी हॅकिंग, रिसर्च लॅब अलर्टवर

राज्यात कुठे किती रुग्ण?