Marathi News LIVE Update : दिवसभरातील महत्त्वाच्या घडामोडी

मुंबई : आज दिनांक 28 ऑक्टोबर 2022 जाणून घेणार आहोत देशासह राज्यातील महत्त्वाच्या घडामोडी. सध्या आमदार बच्चू कडू आणि रवी राणा यांच्यामध्ये चांगलाच वाद पेटला आहे. रवी राणा यांच्या आरोपांना प्रत्युत्तर देताना बच्चू कडू यांनी थेट राज्य सरकारलाच इशारा दिला आहे. या वादावर आता विविध पक्षातील नेत्यांच्या प्रतिक्रिया येत असल्यानं वातावरण आणखी तापण्याची शक्यता आहे. दुसरीकडे काँग्रेस नेते राहुल गांधी यांच्या भारतजोडो यात्रेला आज 50 दिवस पूर्ण झाले आहेत.  50 दिवसांमध्ये या यात्रेने पाच राज्यांचा प्रवास केला आहे. आज भारत जोडो यात्रा तेलंगणा राज्यातील नारायण पेठमध्ये आहे. ही यात्रा सात नोव्हेंबरला महाराष्ट्रात नांदेड जिल्ह्यात दाखल होणार आहे.