Maharashtra Local Body Election 2025: कोल्हापुरात आमदार अशोकराव मानेंचा मोठा पराभव! मुलगा, सून अन् पुतण्याला सुद्धा हाणून पाडलं

kolhapur

Image Credit source: Tv9 Network

आज 21 डिसेंबर रोजी राज्यातील नगर परिषद आणि नगरपंचायतींच्या निवडणुकीचा निकाल जाहीर होत आहे. राज्यात महायुतीच्या 213 जागा निवडून आल्या आहेत. कोल्हापूर जिल्ह्यातील धक्कादायक निकाल समोर आला आहे. कोल्हापूरमधील शिरोळ तालुक्यातील आमदार अशोक माने यांना मोठा झटका बसला आहे. मतदारांनी अशोकरावांची घराणेशाही अक्षरश: हाणून पाडली आहे. त्यांचा मुलगा, सून आणि पुतण्या यांचा दारुण पराभव झाला आहे.

मुलगा, सून अन् पुतण्याला सुद्धा हाणून पाडलं

कोल्हापूर जिल्ह्यात 10 नगरपालिका आणि 3 नगरपंचायत निवडणुकीमध्ये धक्कादायक निकाल समोर आला आहे. अशोकरावांना होम ग्राऊंडवर मोठा धक्का बसला आहे. अशोकराव माने यांची सून सारिका अरविंद माने यांचा नगराध्यक्ष पदाच्या निवडणुकीमध्ये मोठा पराभव झाला आहे. तसेच नगरसेवक पदाच्या निवडणुकीमध्ये मुलगा अरविंद अशोकराव माने यांचा सुद्धा दारुण पराभव झाला. इतकेच नव्हे तर त्यांच्या पुतण्याला सुद्धा मतदारांनी घरचा रस्ता दाखवला आहे. एक प्रकारे अशोकराव यांची घराणेशाही हद्दपार करून टाकल्याचे चित्र दिसत आहे. शिरोळ नगरपालिकेत आमदार राजेंद्र पाटील यड्रावकर यांची सत्ता संपुष्टात आली आहे. 15 नगरसेवक आणि नगराध्यक्ष विजयी झाला आहे.

शिवसेना शिंदे आघाडीने कोल्हापूर जिल्ह्यामध्ये लक्षणीय यश मिळवला आहे. जयसिंगपूर, शिरोळ, मुरगूड आणि कुरुंदवाड अशा चार ठिकाणी शिंदे गटाने नगराध्यक्षपदाचा विजय खेचून आणला आहे. राष्ट्रवादी काँग्रेसला कागल आणि गडहिंग्लमध्ये अपेक्षित यश मिळाले आहे. मुरगुड नगरपालिकेमध्ये मतदारांनी हसन मुश्रीफ आणि समरजितसिंह घाटगे यांच्या आघाडीला नाकारत शिवसेना शिंदे गटाला पाठिंबा दिला आहे. या ठिकाणी सुहासिनीदेवी पाटील या विजयी झाल्या आहेत. दुसरीकडे कोल्हापूरमध्ये राष्ट्रवादी काँग्रेस शरदचंद्र पवार पक्षाची मोठी पिछेहाट झाली असून एकाही जागेवरती विजय मिळवू शकलेली नाही. अशीच सेम परिस्थिती कोल्हापूरमध्ये शिवसेना ठाकरे गटाची झाली आहे. काँग्रेस सुद्धा अवघ्या दोन ठिकाणी पेठवडगाव आणि शिरोळमध्ये विजय मिळाला आहे.

कोल्हापूरमधील निकाल

जिल्ह्यातील नगराध्य एकूण जागा : 13

शिवसेना शिंदे : 4 ( जयसिंगपूर, शिरोळ, मुरगूड आणि कुरुंदवाड)

राष्ट्रवादी : 2 ( गडहिंग्लज, कागल)

काँग्रेस : 2 ( पेठवडगाव, शिरोळ)

शिवसेना UBT- 0

राष्ट्रवादी SP- 0

मनसे – 0

जनसुराज्य – 2 ( पन्हाळा, मलकापूर)

इतर स्थानिक आघाडी

भाजप : 3 ( चंदगड, हुपरी, भाजप )