Maharashtra News LIVE : नाशिकमधून एकनाथ शिंदे यांच्या शिवसेनेसाठी चांगली बातमी
Maharashtra News LIVE : श्रीरामपूरमध्ये महाराष्ट्र एटीएसच्या पथकाची चौकशी संपली. चारही युवकांना चौकशीनंतर सोडण्यात आले. 11 तास श्रीरामपुर शहर पोलिस ठाण्यात सुरू होती चौकशी.
LIVE NEWS & UPDATES
-
कृषी उत्पन्न बाजार समितीमध्ये तुरीचे भाव प्रचंड घसरले
पेरणीच्या तोंडावर अमरावती कृषी उत्पन्न बाजार समितीमध्ये तुरीचे भाव प्रचंड घसरले. प्रति क्विंटल तुरीच्या दरात 800 ते 1000 रुपयांची घसरण. काही दिवसांपूर्वी तुरीचे दर 8 हजार 200 रुपये प्रतिक्विंटल वर गेले होते. आता ऐन पेरणीच्या तोंडावर तुरीच्या दरात मोठी घसरण झाली आहे. त्यामुळे शेतकरी संकटात सापडला आहे.
-
जळगावातील चोपडा येथे 500 अतिक्रमणे जमीनदोस्त
जळगावातील चोपडा येथे पोलीस बंदोबस्तात 500 अतिक्रमणे जमीनदोस्त. चोपडा शहरातील मुख्य रस्त्यासह सहा ते सात ठिकाणी नगर परिषदेची सर्वात मोठी अतिक्रमण हटाव मोहीम. रस्ते झाले मोकळे, काही जणांनी काढले स्वतःहून अतिक्रमण, काही ठिकाणी किरकोळ वाद. जेसीबीच्या सहाय्याने सुमारे 500 लहान-मोठी अतिक्रमणे व ओटे काढून शहरातील रस्ते मोकळे केले. काही ठिकाणी किरकोळ वाद झाला, मात्र तगडा पोलिस बंदोबस्त असल्याने अनर्थ टळला.
-
-
महिला सरपंचाच्या घरावर हल्ला
बीडच्या माजलगाव तालुक्यातील वसंत नगर तांडा येथे महिला सरपंच उषा भगवान राठोड यांच्या घरावर रात्री दगडफेक आणि तोडफोड करण्यात आली. या हल्ल्यात महिला व लहान मुलांना बेदम मारहाण करण्यात आली तर वसंत राठोड यांच्यावर धारदार शस्त्राने जीवघेणा हल्ला झाला.
-
विदर्भातील काही जिल्ह्यात पावसाचाअंदाज
विदर्भातील काही जिल्ह्यात येत्या 24 तासात काही ठिकाणी वादळासह तुरळक पावसाचा हवामान विभागाचा अंदाज. उत्तर प्रदेश पासून विदर्भ होत रायलसीमापर्यंत उंचावर सायक्लोनिक सर्क्युलेशन आणि झंजावत तयार झाला आहे. याच्या प्रभावाने येत्या 24 तासात विदर्भातील काही जिल्ह्यात विजा आणि वादळासह तुरळक स्वरूपात पावसाचा अंदाज हवामान विभागाने वर्तवला आहे. मात्र या काळात तापमानात चढ-उतार होणार असून उकाड्याचा त्रास कायम राहण्याचा अंदाज आहे.
-
बाजोरिया पिता पुत्रावर अमरावतीत गुन्हा दाखल
बाजोरिया पिता पुत्रावर अमरावतीत गुन्हा दाखल. गाडगेनगर पोलीस स्टेशनमध्ये बाजोरियावर गुन्हा दाखल. अमरावतीच्या जिल्हाधिकारी कार्यालयात बाजोरिया पिता पुत्रानी घातलेला वाद. विधान परिषदेचा उमेदवारी अर्ज बाद झाल्यावर घातला होता वाद. शासकीय कामात अडथळा आणल्याचा आरोप बाजोरिया यांच्यावर आहे.
-
-
नाशिकमधून एकनाथ शिंदे यांच्या शिवसेनेसाठी चांगली बातमी
गिरीश महाजन यांच्या मध्यस्थीला यश. गणेश गीते निवडणुकीतून माघार घेणार. खात्री लायक सूत्रांची TV9 ला माहिती. गोकुळ गीते मात्र निवडणूक लढण्यावर ठाम असल्याची माहिती. गणेश गीते स्वतः माघारीसाठी भावाची समजूत काढणार असल्याची सूत्रांची माहिती. नाशिक विधान परिषदेची जागा एकनाथ शिंदे यांच्या शिवसेनेला गेली आहे.
स्थानिक स्वराज्य संस्थांमधून विधान परिषदेच्या 17 जागांसाठी निवडणूक होणार आहे. त्याचीच रणधुमाळी सध्या सुरु आहे. महायुतीमध्ये काही जागांवरुन नाराजी नाट्य रंगलं आहे. बंडखोरांची समजूत काढण्यासाठी शिवसेना-भाजपच्या नेत्यांना मनधरणी करावी लागत आहे. विधानपरिषदेच्या निवडणुकांचा अर्ज मागे घेण्याचा आज शेवटचा दिवस आहे. त्यामुळे राजकीय घडामोडींना सध्या वेग आला आहे. विधान परिषदेच्या स्थानिक स्वराज्य संस्था मतदारसंघाच्या 17 जागांसाठी निवडणूक होत आहे. ही निवडणूक ईव्हीएमवर होणार नसून मतपत्रिकेवर होणार आहे. त्यामुळे प्रत्येक मतदाराला एक मतपत्रिका मिळणार आहे. निवडणूक आयोगाने मतदानासंदर्भात काही प्रक्रिया निश्चित केली आहे त्यानुसार मतपत्रिकेत उमेदवारांची नावे असतील. पसंतीच्या उमेदवाराच्या नावासमोर मतदाराला ‘1’ क्रमांक लिहावा लागणार आहे. निवडणुकीत जेवढे उमेदवार रिंगणात आहेत त्या प्रत्येकाला पसंतीच्या क्रमांकानुसार मत देता येणार आहे.
Published On - Jun 04,2026 8:11 AM
