Manoj Jarange Patil : आता सरकारविरोधात मोठी लाट, मराठे…मनोज जरांगेंनी रणशिंग फुंकलं; नवं वादळ उठलं!

Manoj Jarange Patil Maratha Reservation : मनोज जरांगे पाटील मराठा आरक्षणाच्या मुद्द्यावर पुन्हा एकदा आक्रमक झाले आहेत. कुणबी नोंदी, जात वैधता प्रमाणपत्र तसेच इतर मुद्द्यांना घेऊन त्यांनी सरकारला पुन्हा एकदा घेरलंय. आता मराठा समाजावर अन्याय सुरू आहे. आता सरकारविरोधात मोठी लाट येणार आहे, असा इशाराच मनोज जरांगे यांनी दिला. काही ठिकाणी मराठा समाजाला कुणबी प्रमाणपत्र दिल्यानंतर जात पडताळणीचा अर्ज मात्र फेटाळला जात आहे, यावरुन मनोज जरांगे आक्रमक झाले आहेत.

सरकारनेच कुणबी नोंदी शोधल्या

मनोज जरांहे हे छत्रपती संभाजीनगरात बोलत होते. यावेळी बोलताना कुणबी प्रमाणपत्र अवैध ठरवली जात आहेत. ही सरकारची जबाबदारी आहे. सरकारनेच कुणबी नोंदी शोधल्या आहेत. सरकारनेच प्रमाणपत्र दिले आहे. आता त्यांनी ते प्रमाण रद्द केले आहे. यात राजकीय हेवेदावे प्रचंड आहेत. तिकडे राजकारण जळू द्या. मला त्याच्याशी काही देणंघेणं नाही. परंतु आमच्या समाजाचे नुकसान होत आहे, असा संताप जरांगे यांनी व्यक्त केला.

रकारला प्रमाणपत्र रद्द करण्याचा अधिकार

जिल्हा परिषद सदस्या ज्योती शिंदे यांचे कुणबी प्रमाणपत्र अवैध ठरवण्यात आले आहे. यावरही मनोज जरांगे यांनी प्रतिक्रिया व्यक्त केली. त्यांच्या रक्ताची नोंद सापडली आहे. मग आता सरकारला त्यांचे प्रमाणपत्र रद्द करण्याचा अधिकार नाही. ओबीसींचे प्रमाणपत्र रद्द केले जात नाहीत. मराठा समाजावर अन्याय का केला जातोय, हा मोठा प्रश्न आहे. सरकारने जाणीवपूर्वक मराठ्यांवर अन्याय केला आहे. हे आता मराठ्यांना समजलंय, असा हल्लाबोल जरांगे यांनी केला.

कुणबी नोंद कशामुळे रद्द केली?

आता सरकारच्या विरोधात खूप मोठी लाट उसळणार आहे. राजकीय लोक अधिकाऱ्यावर दबाव आणत आहेत आणि अधिकाऱ्याला कुणबी नोंदी रद्द करायला लावल्या जात आहेत. मी याबाबतची सगळी माहिती बोलावली आहे. कुणबी नोंद कशामुळे रद्द केली, हे मला जाणून घेऊ द्या मग मी काय करायचे ते ठरवतो, असा सूचक इशारा जरांगे यांनी सरकारला दिला.