Photo : प्रवाशांनी हात जोडले… आरडाओरड… मोनो रेल्वेतून प्रवाशांना बाहेर काढण्यासाठी सर्वात मोठं रेस्क्यू ऑपरेशन
मुबईतील मोनोरेलसेवा विस्कळीत झाली आहे. गेल्या पाऊण तासापासून चेंबूर-भक्तीपार्क दरम्यान मोनोरेल अडकून पडलेली आहे. आतील प्रवाशांना बाहेर काढण्याचे काम सुरु आहे.
मुबईतील मोनोरेलसेवा विस्कळीत झाली आहे. चेंबूर-भक्तीपार्क दरम्यान मोनोरेल मध्येच अडकली आहे. तांत्रिक बिघाडामुळे प्रवासी आत अडकले आहेत. मोनोरेलमधील एसीही बंद आहे.
गेल्या पाऊण तासापासून ही मोनोरेल अडकून पडलेली आहे. या मोनोरेलमध्ये अनेक वृद्ध, महिला, लहान मुलं असून प्रवाशांचा श्वास गुदरमत आहे. त्यामुळे सगळीकडे आरडाओरड सुरु आहे.
सध्या घटनास्थळी रेस्क्यू ऑपरेशन सुरु आहे. मोनोरेलचा दरवाजा उघडून प्रवाशांना बाहेर काढण्यात येणार आहे. आतमधील प्रवाशांनी जीव वाचवण्यासाठी बचाव पथकासमोर हात जोडल्याचे दिसत आहे.
मोनो रेल्वे सायंकाळी 6.15 वाजेदरम्यान चेंबूर ते भक्ती पार्क दरम्यान बंद पडली. प्रवाशांनी आपत्कालीन परिस्थितीत तत्काळ मदतीसाठी बृहन्मुंबई महानगरपालिकेच्या 1916 या क्रमांकावर संपर्क साधला. याची तातडीने दखल घेत मुंबई अग्निशमन दलाने घटनास्थळी धाव घेत मदत कार्य सुरु केले आहे.
मुंबई महानगरपालिकेचे वैद्यकीय पथक घटनास्थळी रवाना करण्यात आले आहे. नजीकच्या महानगरपालिका रुग्णालयास सज्ज राहण्याचे आदेश देण्यात आले आहेत.
