Maharashtra News LIVE : महाध्वजारोहणासाठी नाशिक सज्ज! सिंहस्थ कुंभमेळ्याला होणार आज सुरुवात

आज सिंहस्थ कुंभमेळ्याचा औपचारिक प्रारंभ होणार आहे. शनिवारी 31 डिसेंबर रोजी नाशिकमधील रामकुंड येथे ध्वजारोहण होणार आहे. त्यासाठीची जय्यत तयारी करण्यात आली आहे. आज सिंहस्थ कुंभमेळ्याचा 12 वाजून 2 मिनिटांच्या मुहूर्तावर नाशिक आणि त्र्यंबकेश्वर मध्ये ध्वजारोहण सोहळा होणार आहे. त्यासाठी नाशिकमध्ये राष्ट्रपती द्रौपदी मूर्मू, राज्यपाल जिष्णु देव वर्मा, मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा पवार यांच्यासह अर्दे राज्य मंत्रिमंडळ, व्हीआयपी आणि विविध आखाड्याच्या साधु-संतांची मांदियाळी होणार आहे.

महाराष्ट्रातील अनेक भागांत काल पासून पावसाने जोरदार हजेरी लावली. नाशिक, ठाणे, पिंपरी-चिंचवड आणि मुंबईसह विविध ठिकाणी अचानक पाऊस सुरू झाल्याने नागरिकांची धावपळ उडाली. काही भागांत मुसळधार पावसामुळे जनजीवनावर परिणाम होण्याची शक्यता निर्माण झाली आहे. तर दुष्काळसदृश परिस्थितीचा सामना करणाऱ्या काही भागांतील नागरिक आणि शेतकऱ्यांना पावसामुळे दिलासा मिळाला आहे.

कॉकरोच जनता पार्टी जूनमध्ये नीट पेपर लीक प्रकरणी दिल्लीत आंदोलन करत होती. त्या वेळी पंजाबी गायक दिलजीत दोसांज यांना सीजेपीच्या प्रोटेस्टबाबत प्रश्न विचारण्यात आला होता. तेव्हा दिलजीत म्हणाला होता की, मला या सगळ्यापासून दूरच ठेवा, मी एक कलाकार आहे, राजकारणी नाही. दिलजीतच्या या कमेंटवर अभिजीत दीपके यांनी नाराजी व्यक्त केली होती. आता दिल्लीत झालेल्या कॉन्सर्टमध्ये दिलजीतने आपल्या ‘मी कलाकार आहे’ या कमेंटवर प्रतिक्रिया दिली. त्यानंतर आता अभिजीत दीपके यांनी सोशल मीडियावर दिलजीतसाठी एक पोस्ट शेअर केली आहे.