Nashik Kumbh : नाशिक-त्र्यंबकेश्वर सिंहस्थ कुंभमेळ्याचा शंखनाद, राष्ट्रपतींच्या हस्ते प्रथमच ध्वजारोहण; एका ऐतिहासिक पर्वाला सुरुवात

आज नाशिकमध्ये सिंहस्थ कुंभमेळ्याच्या ध्वजारोहण सोहळ्याने एका ऐतिहासिक पर्वाला सुरुवात झाली. या सोहळ्याचे वैशिष्ट्य म्हणजे, प्रथमच देशाच्या राष्ट्रपतींच्या हस्ते ध्वजारोहण संपन्न झाले. नाशिकच्या गोदाघाट आणि रामकुंड परिसरात तसेच त्र्यंबकेश्वर येथील कुशावर्त तीर्थावर सकाळी १२ वाजून २ मिनिटांनी गुरु सिंहेत प्रवेश करताच या कुंभपर्वाचा शंखनाद झाला.

या सोहळ्यासाठी मुख्यमंत्री, दोन्ही उपमुख्यमंत्री आणि विविध पंथांचे साधू-महंत उपस्थित होते. भक्तिमय वातावरणात सजलेल्या गोदाकाठी नाशिककरांनीही मोठ्या संख्येने उपस्थिती लावली. वैष्णव पंथाचे साधू नाशिकमध्ये तर शैव पंथाचे साधू त्र्यंबकेश्वरमध्ये उपस्थित होते. या ऐतिहासिक सोहळ्यासाठी कडेकोट पोलीस बंदोबस्त ठेवण्यात आला होता.

आजच्या दिवसातील इतर प्रमुख घडामोडींमध्ये दुपारी साडेतीन वाजता दिल्लीत इंडिया आघाडीची मॉक पार्लमेंट होणार आहे, तर सायंकाळी ठाकरे बंधूंच्या उपस्थितीत संजय राऊत यांच्या पुस्तकाचा प्रकाशन सोहळा पार पडेल. या तिन्ही घटनांकडे संपूर्ण राज्याचे लक्ष लागले आहे.