Mumbai Shocking : बायकोबद्दल सारखा तोच विचार डोक्यात येत होता, अखेर नवऱ्याचा कथित बॉयफ्रेंडच्या गुप्तांगावर ब्लेड हल्ला, मुंबईतली घटना

गोविंद ठाकूर : मुंबईच्या मालाडमधून खळबळजनक घटना समोर आली आहे. बायकोशी शारीरिक संबंध ठेवल्याचा संशयाने पती आणि मुलाने हादरवणारं कृत्य केल्याचं समोर आलं आहे. दोघांनी बायकोच्या कथित बॉयफ्रेंडच्या गुप्तांगावर ब्लेडने हल्ला केल्याचं समोर आलं आहे. मुंबईतील मालवणी भागातील या घटनेने परिसरात खळबळ उडाली आहे.

मिळालेल्या माहितीनुसार, मुंबईच्या मालाडमधील मालवणीत एका संशयातून खळबळजनक घटना उघडकीस आली आहे. 50 वर्षीय कालिदास आणि त्याचा मुलगा यागेश याने एका 32 वर्षीय रिक्षा चालकावर हल्ला केला. बायकोशी शारीरिक संबंध असल्याच्या संशयावरून मुलाच्या मदतीने कालिदासने 32 वर्षीय गणेश सक्सेना याच्या गुप्तांगावर हल्ला केला. या प्रकरणी कालिदास आणि त्याचा मुलगा योगेशवर गुन्हा दाखल करण्यात आला आहे. रिक्षा चालक गणेशने दोघांच्या विरोधात पोलिसांत तक्रार दिली. त्यानंतर त्यांच्यावर गुन्हा दाखल करण्यात आला.

नेमकं काय घडलं?

तू माझ्या पत्नीसोबत (Wife) शारीरिक संबंध ठेवतो, असा आरोप कालिदासने केला. या आरोपांनंतर दोघांमध्ये बाचाबाची झाली. कालिदासचा मुलगा योगेश याने तक्रारदार गणेश याचे कपडे काढले. कालिदासने गणेशच्या गुप्तागांवर ब्लेडने हल्ला केला. तक्रारदार गणेश यांनी स्वतःची सुटका करत थेट रुग्णालय गाठले आणि त्यानंतर पोलिसांमध्ये तक्रार दाखल केली. पोलीस आता या संपूर्ण प्रकरणाचा तपास करत आहे.

मालवणीत ड्रग्ज विक्रेता पोलीस कर्मचारी

तत्पूर्वी, काही दिवसांपूर्वी मुंबई पोलिसांच्या (Mumbai Police) नावाला काळिमा फासणारा प्रकार घडला. ड्रग्ज तस्करी प्रकरणात मुंबई पोलीस दलातील एका कर्मचाऱ्याला टक करण्यात आली. किरण इंदुलकर असे पोलीस कर्मचाऱ्याचे नाव आहे. मालवणीच्या पोलिसांनी त्याला ड्रग्ज विक्री करताना रंगेहाथ पकडलं. किरण हा जोगेश्वरीमधील पोलीस ठाण्यात कार्यरत होता. त्याआधी तो मालवणीमध्येही कार्यरत होता. त्यावर पोलिसांचा ड्रग्जची विक्री करण्याचा संशय होता. त्यानंतर त्यानंतर मालवणी पोलिसांनी ड्रग्ज विक्री करताना रंगेहाथ पकडलं. त्याच्याकडे मेफेड्रोन नावाचे अंमली पदार्थ आढळून आले. या घटनेने मुंबई पोलिसांच्या प्रतिमेला तडा गेला आहे.