Mumbai Megablock: मुंबईकरांना रविवारी फिरायला जाताय? थांबा! पहिले ही बातमी वाचा, आज रात्रीपासूनच…
मुंबईतील लोकल प्रवाशांसाठी एक महत्त्वाची सूचना समोर आली आहे. त्यामुळे ही बातमी वाचूनच रेल्वेने प्रवास करा. आज रात्रीपासूनच विक्रोळी-मुलुंड दरम्यान मेगा ब्लॉक.
Mumbai : मध्य रेल्वेवरील प्रवाशांसाठी महत्त्वाची सूचना देण्यात आली आहे. कांजूरमार्ग रेल्वे स्थानकावरील पादचारी उड्डाणपुलाच्या कामासाठी विशेष ब्लॉक घेण्यात येणार आहे. या कामाअंतर्गत 6 मीटर रुंदीचे चार मोठे गर्डर रोड क्रेनच्या सहाय्याने बसविण्यात येणार आहेत.
हे काम सुरक्षितरीत्या पार पाडण्यासाठी 15 फेब्रुवारी रोजी मध्यरात्री 1.05 वाजल्यापासून ते पहाटे 4.35 वाजेपर्यंत विक्रोळी ते मुलुंड दरम्यान विशेष ब्लॉक जाहीर करण्यात आला आहे.
ब्लॉकमुळे काही स्थानिक गाड्यांवर परिणाम होणार आहे. छत्रपती शिवाजी महाराज टर्मिनस- ठाणे ही लोकल 15 फेब्रुवारी रोजी CSMT येथून रात्री 12.24 वाजता सुटणारी लोकल रद्द करण्यात आली आहे. ठाणे – CSMT ही लोकल 15 फेब्रुवारी रोजी पहाटे 4.04 वाजता ठाणे येथून सुटणारी लोकलही रद्द राहील.
CSMT – कर्जत ही लोकल 15 फेब्रुवारी रोजी CSMT येथून रात्री 12.12 वाजता सुटणारी लोकल माटुंगा ते मुलुंड दरम्यान डाउन जलद मार्गावरून वळविण्यात येणार आहे.
मध्य रेल्वे प्रशासनाने प्रवाशांना विनंती केली आहे की प्रवासापूर्वी गाड्यांच्या वेळापत्रकाची खातरजमा करावी. ब्लॉकदरम्यान काही गाड्या रद्द किंवा वळविण्यात येणार असल्याने प्रवासाचे नियोजन त्यानुसार करावे.
कांजूरमार्ग स्थानकावरील पादचारी उड्डाणपुलाचे काम पूर्ण झाल्यानंतर प्रवाशांची सुरक्षितता आणि सोयीसुविधा अधिक वाढणार असल्याचे रेल्वे प्रशासनाने स्पष्ट केले आहे. दरम्यान, ब्लॉकच्या कालावधीत प्रवाशांनी सहकार्य करावे असे आवाहन करण्यात आले आहे.
