Mumbai Wadia Hospital Fire : मुंबईच्या वाडिया रुग्णालयातील ऑपरेशन थिएटरला आग, अग्निशमन दलाच्या 4 गाड्या दाखल, आग विझवण्याचे प्रयत्न सुरु
मुंबईच्या परेल येथील वाडिया रुग्णालयाला(Wadia Hospital) भीषण आग लागली आहे. हे लहान मुलांचे आणि महिला प्रसूती रुग्णालय आहे. रुग्णालयातील ऑपरेशन थिएटरला ही आग लागली आहे. मिळालेल्या माहितीनुसार लेव्हल 2 ची ही आग आहे.
मुंबई : मुंबईच्या परेल येथील वाडिया रुग्णालयाला(Wadia Hospital) भीषण आग लागली आहे. हे लहान मुलांचे आणि महिला प्रसूती रुग्णालय आहे. रुग्णालयातील ऑपरेशन थिएटरला ही आग लागली आहे. मिळालेल्या माहितीनुसार लेव्हल 2 ची ही आग आहे. अग्निशमन दलाच्या चार गाड्या घटनास्थळी दाखल झाल्या आहेत. अग्नीशमन दलाच्या जवानांकडून आग विझवण्याचे प्रयत्न सुरु आहेत. आतापर्यंत कुणीही जखमी झाल्याची किंवा जीवितहानी झाल्याची माहिती समोर आलेली नाही. मात्र, आगीच्या घटनेमुळे घबराहट पसरली आहे.
वाडिया हॉस्पिटल ला आग लागल्याचे वृत्त समजताच मुख्यमंत्री एका शिंदे यांनी आढावा फोनवरून घेतला. तसेच कशामुळे लागली याची चौकशी केली. तातडीने उपयायोजना करण्याच्या सूचना देखील मुख्यमंत्र्यांनी केल्या आहेत.
आगीचे वृत्त कळताच अग्नीशनमन दलाच्या नऊ गाड्या घटनास्थळी दाखल झाल्या आहेत. यावरुन या आगीची तीव्रता लक्षात येतेय. बंद ऑपरेशन थिएटर मध्ये ही आग लागली होती. आग नेमकी कशामुळे लागली याबाबतचे कारण समजू शकले नाही. तसेच या आगीमध्ये नेमकं किती नुकसान झालेय याबाबतची देखील स्पष्टता अजून आलेली नाही.
ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.